1 Kolinto 3:13 - Chipangano Chabwangu

¹³ Pakuba umulimo wamuntu wakuboneka apatubile tuutu ulo akasuba kabupingushi kakuyilanga. Akasuba nkalya kakwisa nomulilo. Elo umulilo ngulya wakwisa kwesha imilimo yamuntu uuli onse.

1 Kolinto 3:13 ပူးပေါင်းရင်းမြစ်များ

Mateyo 10:15

Nachine nkomweba ati pali nkalya kasuba akabupingushi Lesa akubakwatila inkumbu abena Sodomu nabena Gomola ukuchila abantu bamuli ngulya musumba!

Mateyo 16:27

Pantu Umwana wa Muntu akwisa nabangelo bakwe mubuleme bwaku Wishi. Elo akwisa kupela umuntu umo-umo ukulingana nemilimo yakwe iyo achita.

Luka 2:35

Elo bakufisulula amalangulushi amumitima yabo. Nachine nechikonko, chakulasa umutima obe kubati mwele wankondo.”

Loma 2:16

Echo nomba, ukulingana no Butumi Bwawama ubo mbilisha, mfi efyo chakwisa kuba muli nkalya kasuba ulo Lesa, ukupitila muli Yesu Klistu, akwisa kupingula ifyamubumfishi fyonse ifyaba mumitima yabo.

Loma 2:5

Nomba webo waba nomutima uukosele too, uutapilibukapo. Echo ukoyilundulwilako ubukali bwaku Lesa ubo akwisa kulanga pali nkalya kasuba mukupingula kwakwe ukwalungama.

1 Kolinto 1:8

Ye akumukosha ukufika nakumupwilo, ukwebati mwikabapo abamulandu pakasuba kaku Bashikulu Yesu Klistu.

1 Kolinto 3:12

Pali ngu mufula umuntu kuti ayimakapo nagolide, silubale, amabwe ayamutengo uukulu, ifiti, isani nangu namapelele.

1 Kolinto 4:5

Echo mwipingulapo umuntu nangu umo ulo Bashikulu batalafika. Bo ebakwisa kusanikila fyonse ifyamubumfisolo ifyamumfishi. Elo akufisulula ifyamufinsolo nokufisulula amapange aafisama ayamumitima yabo. Panuma chila muntu akupokelela ukutonda kuli Lesa ukulingana nemilimo yakwe.

2 Timoti 1:12

Echo nkochulila mfi. Nangu chibe mfi, nshuumfwapo insoni iyowo pakuti ndimwishibile uyo nachetekela. Elo nalishininkisha ukuti kuti ansungisha bwino ukufikila pakasuba kabupingushi ifyo ampele ukuti nsunge.

2 Timoti 1:18

Bashikulu bamusuminishe ukuti apokelele inkumbu kuli Lesa pabushiku bwabupingushi. Walishiba bwino ukuti alingafwilishe ukwinekantu ku Efeso.

2 Timoti 3:9

Nomba takupo bakoya pakuti abantu bonse bakubona ukupunama kwabo, kubati nimfilya chali kuli Yanesi na Yambulesi.

2 Timoti 4:8

Ichisheleko nomba kupokelela ingala ilanga ukulungama uko Bashikulu, kapingula uwalungama, bakumpela pakasuba nkalya. Elo ichabupe nchi tabakapeleko nebo nenka iyowo, kuntu nambalya bonse abakolindilila ukwisa kwakwe.

Hebele 10:25

Twilekapo ukulongana pamo kubati nimfilya ifikochita bambi. Nomba fwebo tulokukoseleshanya pakuti akasuba kaku Bashikulu kakopalamina.

1 Petulo 1:7

Kubati golide, nangu ulaonayika, uleshekwa nomulilo. Munshila imo yenka, ichichetekelo chenu, ichachilapo pali golide, chileshekwa ukubona ati nga chinenene. Elo bakumutondayisha, bakumupela umuchinshi nobuleme ulo Yesu akuboneka.

1 Petulo 4:12

Mwe batemwekwa, mwilokushimbwapo pakuponenwa namachushi awo mukochulako. Mwilanguluka kubati mwaponenwa icheni.

2 Petulo 3:10

Nomba akasuba kaku Bashikulu kakwisa nga mung’o. Pakasuba nkalya iwulu lyakuluba nokubuluma ukukulu. Ifintu fyonse fyakupya nokusungulika kumulilo. Elo ichalo nefintu ifyabamo fyakupya shikiti.

2 Petulo 3:7

Nomba Lesa namashiwi enka nga, asunga iwulu nechalo ifyo tubona nduno ukwebati akafyoche kumulilo. Alifisunga ukufikila pakasuba ako akupingula nokonaula abantu abatachetekela.

Ukufisulula 20:12

Penkapo nalibwene abafwa, abakulu nabayiche, balimakene pantanshi yamupando wabufumu ngulya. Elo amabuku aliswilwe. Kwalipo nalimbi ibuku ilyayiswilwe, ibuku ilyabumi. Abafwa mbalya balipingwilwe ukulingana nefyo bachitile, kubati nimfilya chalembelwe mwibuku ndilya.