1 Kolinto 3:12 - Chipangano Chabwangu

¹² Pali ngu mufula umuntu kuti ayimakapo nagolide, silubale, amabwe ayamutengo uukulu, ifiti, isani nangu namapelele.

1 Kolinto 3:12 ပူးပေါင်းရင်းမြစ်များ

Imilimo ya batumwa 20:30

Napali mwebo kumo, pakuba abantu bambi abalikusosa ifyabufi ukuti bapusaulepo abachetekela bambi nokubakonka.

Loma 16:17

Nkomupapata, mwe bawesu, chenjeleni nabo abapatukanya abantu pakati kenu nokulenga abanabo ukubifya. Pakuchita mfi balasha ukusambilila uko mwapokelele. Batalukeni!

1 Kolinto 3:11

Pakuba Lesa alibika kale Yesu Klistu ukuba emufula enka. Elo tapapo umufula naumbi uwo bangabika.

1 Kolinto 3:13

Pakuba umulimo wamuntu wakuboneka apatubile tuutu ulo akasuba kabupingushi kakuyilanga. Akasuba nkalya kakwisa nomulilo. Elo umulilo ngulya wakwisa kwesha imilimo yamuntu uuli onse.

2 Kolinto 2:17

Fwebo tatulipo nga abantu abenji abakochita amakwebo namashiwi aku Lesa. Nomba, pakuti tuli muli Klistu nga abantu abatumwa na Lesa, tusosa muchine, ukulingana nokufwaya kwakwe.

2 Kolinto 4:2

Twaposele inshila shonse ishamubumfisolo neshansha nsoni. Tatubomfyapo ubuchenjeshi nangula ukwalula amashiwi aku Lesa. Tufwaya ukuti abantu bonse batusuminishe nemitima yabo.

Kolose 2:8

Chenjeleni ukuti kwibapo umuntu nangu umo uwakufulunganya ichichetekelo chenu nokumutapa-nkole mumulangwe uwabuntunse uwabuchenjeshi bwakwe ubwabwaka. Mfi fyonse fifuma kutufuto utwakale nakumalangulushi yabuntunse, tekuli Klistu iyowo.

1 Timoti 6:3

Umuntu onse uukosambisha ifipusene namfi wakuyitutumuna. Tasuminapo mumashiwi akwebesha aku Bashikulu Yesu Klistu nefyakusambilila ifyakuchinshika Lesa.

2 Timoti 2:20

Nomba munanda ikulu mwaba imbale ishipusene-pusene. Shimbi shagolide, shimbi shasilubale, shimbi shafiti, shimbi shakubumba. Elo shimbi shibomfewa panshita yayibela, kuntu shimbi inshita shonse.

2 Timoti 3:13

Nomba abantu ababipa nababufi bakubipilako bwaka. Bakubepa bambi nokwibepa benka.

2 Timoti 3:7

Nangu balabasambisha lonse, tabomfwapo ichine iyowo.

2 Timoti 4:3

Pakuti inshita yakwisa ulo abantu bakukana ichisambisho chachine, kuntu bakukonka ifyamikalile yabo, nokuyifwayila abasambishi abakubeba ifyo bakabila ukumfwa.

Hebele 13:9

Mwisuminishapo ifisambisho ifipusene-pusene nefilwendo ukumufulunganya. Ichilingile. Uchitukosha imitima bwanshi bwaku Lesa tetufutopo utusosa pafyakulya. Amafunde nga tayaafwilishepo abo abali kuyakonka.

1 Petulo 1:7

Kubati golide, nangu ulaonayika, uleshekwa nomulilo. Munshila imo yenka, ichichetekelo chenu, ichachilapo pali golide, chileshekwa ukubona ati nga chinenene. Elo bakumutondayisha, bakumupela umuchinshi nobuleme ulo Yesu akuboneka.

Ukufisulula 2:14

Nomba kuli ifintu fimbi ifyo nkokukalipilapo. Kwaliba abantu bambi abakonka ukusambisha kwakwa Balaamu, uyo uwasambishe Balaki ukutungulula abena Isilaeli ukubifya ulo abebele ukuti balye ifyapupilwe kuli tungosa wakubasa nokuchita ubulale-lale.

Ukufisulula 21:18

Ichibumba ichamusumba ngu chalimekwe nelibwe ilibeka, kuntu umusumba ngu walimakilwe nagolide iiweme iyali kubeka kubati ligalashi.

Ukufisulula 3:18

Nkokuchenjeshako ukuti ushite kuli nebo golide yawamikwa mumulilo ukuti ube uwabuboni wine-wine. Elo ushite ifyakufwala ifitubile ukuti ufwale nokufisa umubili obe uleta insoni. Ushite nomuti wamenso ukuti ulokubona bwino.