1 Kolinto 3:10 - Chipangano Chabwangu

¹⁰ Ukubomfya ichabupe icho Lesa ampele, nalibombele umulimo nga inchenshi mukwimaka nokuwamya umufula, elo umbi akoyimakapo. Nomba umo naumo alingile ukuchenjela umo emakila.

1 Kolinto 3:10 ပူးပေါင်းရင်းမြစ်များ

Mateyo 24:45

“Nga ninani engaba umupyungi wachine, uwamano uwo Bashikulu bakwe bengasonta pabapyungi banakwe ukuti eye alokubapela ichakulya panshita iilingile?

Mateyo 7:24

“Echo umuntu onse uukoumfwa amashiwi anji nga nokuyachita eupalene nomuntu uwamano uwayimeke inanda yakwe pamwala.

Luka 11:35

Chenjeleni ukuti ukusanika ukuli muli mwebo kwibamo imfinshi.

Luka 21:8

Elo Yesu abasukile ati, “Chenjeleni ukuti umuntu nangu umo ekamubepapo. Pakuba abenji bakwishila mwishina lyanji nokusosa ati, ‘Nine Klistu!’ Nakambi, ‘Inshita nomba yafika!’ Nomba mwibakonka.

Imilimo ya batumwa 18:27

Ulo Apolosi alikufwaya ukuya kuchalo cha Akeya, abachetekela bamu Efeso balembele kalata kubena Klistu baku Akeya ukuti bamupokelele bwino. Ulo afikile nkulya, alyafwilisheko abachetekela ukupitila mubwanshi bwaku Lesa.

Loma 1:5

Muli Klistu ngu emo Lesa ampelele ishuko lyakuba umutumwa waku Klistu, ukuti ntungulule abantu bamitundu yonse ukumuchetekela nokumumfwila.

Loma 12:3

Ukupitila mufiso ifyo Lesa ampela mubwanshi bwakwe, nkomukonkobesha ukuti mwilokuyitutumuna. Nachine mube nomutembo mumalangulushi enu ukulingana nobukulu bwachichetekelo chenu icho Lesa apela umo-umo pali mwe.

Loma 15:15

Nomba muli nji kalata, mumashiwi ambi, namulembela ukufikapo ukuti mwibukishe fimo-fimo. Nkochita mfi pakuti Lesa mubwanshi bwakwe, alinsala ukuti

Loma 15:20

Inshita shonse nkofwaya ukushimika Ubutumi Bwawama kuli bo abataumfwilepo ifyaku Klistu ukuti niimaka pamufula wamuntu umbi.

1 Kolinto 3:11

Pakuba Lesa alibika kale Yesu Klistu ukuba emufula enka. Elo tapapo umufula naumbi uwo bangabika.

1 Kolinto 9:2

Nangu tanshilipo umutumwa kuli bambi, kuntu kuli mwebo ndi mutumwa pakuti muli ichishibilo ichabutumwa bwanji muli Bashikulu.

2 Kolinto 10:15

Tatwitondayishapo ukuchila amalile mumilimo yabantu bambi abali kupyunga pakati kenu. Ichikulu tukolindila ukuti ichichetekelo chenu chakukula, nokuti umulimo wesu pakati kenu wakukula, nomba tekuchilapo amalile esu.

Efeso 2:20

Mwalimakwa pamufula uwapangilwe kubatumwa nabasoseshi. Elo Klistu Yesu umwine ebwe lyapachimfuntu.

Kolose 1:29

Pakuchita nchi ndachula nokupitintika ukubomfya ifiso Klistu ampela ifibomba muli nebo.

Kolose 4:17

Elo musose kuli Akipasi mwati, “Ulokupyungisha pamulimo uyo bakupela kuli Bashikulu ukuti ukaufikilishe.”

1 Tesalonika 3:2

Emulandu wine twatumine Timoti, wesu nakambi umubomfi munesu uubilisha Ubutumi Bwawama ubusosa ifyaku Klistu. Twamutumine ukuti ese mukumukoselesha nokumwafwilishako muchichetekelo chenu.

1 Timoti 4:16

Ulokwilama bwino wenka nokusambisha uko ukwete. Utwalilile ukupyunga, winakapo, pantu nga wachita mfi, emo wakupulukilamo pamo nabo abakoumfwa kuli webo.

2 Timoti 2:15

Esha ukuba uwayipelesha kuli Lesa nga umupyungi uwambula akalema, uulondolola amashiwi anenene aku Lesa mukwebesha.

Yemusi 3:1

Mwe bawesu, tatulingilepo bonse ukuba abasambishi iyowo. Mwalishiba ukuti fwe basambishi akutupela umulandu ukuchila abantu bambi.

1 Petulo 4:11

Nga umo abilisha, kabilisha wamashiwi aafuma kuli Lesa. Nga umo akopyunga, kapyunge nefiso ifyo Lesa amupela. Pakuti muli fyonse, Lesa achinshikwe muli Yesu Klistu. Pakuba umuchinshi nefiso fyakwe umuyayaya. Ameni!

2 Petulo 3:15

Mwishibe ukwebati Lesa akoteka umutima pantu akofwaya ukumupulusha. Echo naye Paulo, wesu watemwekwa, amulembele mfi nomulangwe uwo Lesa amupele.

Ukufisulula 21:14

Ichibumba chamusumba ngu chayimekwe pamifulwa yamabwe ikumi na abili apo apalembelwepo amashina yabatumwa ikumi na babili abaku Mwana wambelele.

Ukufisulula 21:19

Umufula wachibumba wawamishiwe namabwe ayaweme ayapusene-pusene. Ilibwe ilyakwamba pamufula lyali ilya yesipa, ilyabubili lyasafile, ilyachitatu lya agate, ilya bune lya emalodi.