1 Kolinto 2:9 - Chipangano Chabwangu

⁹ Chabati nimulya Amalembo asosa ati, “Ifyo umuntu atabwenepo nangu ukumfwa, ifyo umuntu atalangulukilepo ukuti chakuchitika, echo Lesa apekanishishe abo abamutemwa.”

1 Kolinto 2:9 ပူးပေါင်းရင်းမြစ်များ

Mateyo 20:23

Yesu alibasukile ati, “Nachine mwakwisa kunwako kulukombo lwanji, nomba tanshikwetepo insambu ishakusuminisha abakwikala kukuboko kwanji ukwamulyo nangula ukwakuchipiko. Ni Bata ebakupela ififulo kuli bo abo bapekanishishe.”

Mateyo 25:34

Elo Imfumu yakusosa kubakumulyo ati, ‘Iseni mwebo Bata bashukisha. Injileni mubufumu ubo Bata bamupekanishisha ukufuma apo ichalo chatalilwe.

Yohane 3:16

Pakuti Lesa atemenwe abantu bonse muchalo. Echo apele Umwana wakwe uwafyalwa enka, ukuti onse uwamuchetekela efwa iyowo, kuntu abe nobumi butapwa.

Loma 8:28

Twalishiba ukuti mufintu fyonse Lesa alafitungulula ubune kuli bo abamutemwa, abo ayita ukulingana nokufwaya kwakwe.

Hebele 11:16

Nomba tukobona ukuti balikufwaya ichalo chimbi ichiweme ukuchilapo. Ichalo chakumulu. Echo Lesa tabomfwilapo insoni ukuba Lesa wabo, pakuti ewabemakile umushi.

Yemusi 1:12

Alishuka umuntu uushipikisha panshita ulo eshekwa, pakuti ulo achimfya akupokelela ingala yabumi iyo Lesa alayile ukupela kuli bo abamutemwa.

Yemusi 2:5

Umfweni mwe bawesu abatemwekwa! Napo Lesa tasalilepo abo ababoneka abachushi kubantu ukuti bakabe abasambashi muchichetekelo chabo? Napo tabasalilepo ukuti bapokelele ishuko ilyo alayile ukupela abamutemwa?

1 Petulo 1:12

Lesa alibafisulwile ukuti tabali ukuyipyungila benka, kuntu pamulandu wenu ulo balikusosa ifyo mumfwa nomba. Bakashimika ba Butumi Bwawama balimwebele mfi ukupitila mu Mupashi Wabuta uwatuminwe ukufuma kumulu. Abangelo nabo balefwayilisha ukwishiba ifintu mfi.

1 Yohane 4:19

Twalitemwa pakuti Lesa ewatatikile ukututemwa.