1 Kolinto 2:6 - Chipangano Chabwangu

⁶ Nomba pabantu abashika tusosa ifyamulangwe, kuntu temulangwepo uwabuntunse iyowo nangula uwantungulushi shamuchalo nshi ishiloba.

1 Kolinto 2:6 ပူးပေါင်းရင်းမြစ်များ

Mateyo 13:22

Bambi nabo baba kubati nimbuto ishawile muminga. Mba ebomfwa amashiwi aku Lesa, kuntu pamulandu wakufwayilisha ifintu fyamuchalo nobuchindami, elo mfi fintu filafininkisha amashiwi, epo tabatwalapo ifitwalo.

Mateyo 19:21

Yesu amwasukile ati, “Kati ukofwaya ukuba uwapwililika, koya ukashitishe ifintu fyonse ifyo wakwata. Indalama wakusangamo, ushipele kubachula, elo wakwisa kuba nobuboni kumulu. Elo wise unkonke.”

Mateyo 5:48

Echo mube ababuta kubati nimfilya Bawishinwe bakumulu baba ababuta.

Luka 16:8

“Mukuchita mfi mubuchenjeshi, wishikulu waku ngulya mupyungi mukulu utachetekelwa alimutotele. Pantu abantu bamuchalo baba abachenjela mubupyungi bwabo ukuchila abantu baku Lesa.”

1 Kolinto 1:28

Ifyo abantu balanguluka ukuba ifyabwaka, ifyamusalula, elo ifitakwetepo nakantu, mukwebati aonaule ifyo ichalo chilanguluka ukuba ifinenene.

1 Kolinto 12:8

Umupashi Wabuta ngu upela umuntu umbi amano ayakusosa ifyamulangwe, umbi naye Umupashi umo wenka upela ubupe ubwakusosa namano.

1 Kolinto 14:20

Bawesu, lekeni ukulanguluka nga utwaiche. Ukulosha kububi mube utucheche, nomba mukulanguluka kwenu, mube abakulu.

1 Kolinto 2:1

Bawesu, ulo nayishile kuli mwe ukwebati musambishe ifyafisama ifyo Lesa afisulwile, nshasoselepo kubati uwamulangwe, uwayishiba ifyashika.

1 Kolinto 2:13

Kanshi ifyo tusosa, temashiwipo amulangwe wabantu, kuntu mashiwi awo Mupashi Wabuta atusambisha. Tusambisha ifyachine ifyamupashi kubantu abakwata Umupashi Wabuta.

1 Kolinto 2:8

Tapapo bakateka banchino chalo abayishibe umulangwe ngu. Nga balishibile, nga tabasamikilepo Bashikulu ababuleme pamutashi.

1 Kolinto 3:1

Elo nebo, mwe bawesu, nshasoselepo kuli mwe nga bantu abali no Mupashi Wabuta. Nalisosele namwe nga bantu abatakwetepo Umupashi Wabuta. Nalisosele kubati bantu abatemwa ifyapanonshi, nga incheche mubwina Klistu.

2 Kolinto 1:12

Icho tukoyitutumwinapo chakuti imitima yesu ikotusuminisha ukwambula ukutwishika ukwebati ukuli konse uko twapita, nokuchilapo pakati kenu, Lesa alitupela ubumi ubutalipo ubwabunkalwe. Ubumi mbulya tabwalipo pamulandu wamulangwe wabantu iyowo, kuntu nipabwanshi bwaku Lesa.

2 Kolinto 13:11

Echo mwe bawesu, shalenipo umutende. Mweshe ukuba abafikapo, nakilileni kufyo nkomweba, mulokumfwana, elo mwikale mumutende. Elo na Lesa uwakutemwa nomutende akuba namwe.

2 Kolinto 4:3

Nangu Butumi Bwawama ubo tukobilisha bwaba ubwafimbwa, bwalifimbwa kuli bo abakoloba.

2 Kolinto 4:4

Bo tabachetekelapo pakuti Satana, lesa wapanonshi, alibafimba ukuti belokubona ukusanika kwa Butumi Bwawama. Ukusanika nku kubwenesha umuchinshi waku Klistu. Elo muli Ye Lesa alaboneka.

Efeso 2:2

Panshita njilya, imyendele yenu yalilingene neyabuntunse. Elo mwalikumfwila umukulu wamipashi uwamulwelele. Umukulu ngu mupashi uubi ukobombela muli bo abatanakilapo Lesa.

Kolose 1:28

Nomba tushimikila Klistu kubantu bonse, tuchenjesha nokusambishako abantu bonse pachinso chaku Lesa ukuti babe abakosa muli Klistu.

Kolose 4:12

Epafulasi, wamwibumba lyenu, amupela umutende, nakambi mupyungi waku Yesu Klistu. Lonse alamulombelako nomutima wakwe onse ukuti Lesa alokumwafwa ukuba abena Klistu abafikapo, nakambi abachetekela ubufwayo bwaku Lesa bonse.

Hebele 5:14

Nomba ichakulya ichikosele chabantu abashipa. Ukupitila mukuchita ifintu, bangapusanya pakati kafilungeme nefitalungeme.

Hebele 6:1

Echo tushe ukusambisha ukwakwamba pafyaku Klistu, nokuya kuyakosa. Tatulingilepo nokubwekesha ukusosa pafyakulapila nokusha imilimo iyabwaka nefyo twingachetekela muli Lesa.

Yemusi 3:15

Umulangwe wamusango ngu tawufumapo kumulu iyowo, kuntu wapanonshi, wabuntunse uufumu kumupashi uubi.

Yemusi 3:2

Pakuti bonse tulabifya mufintu ifinji. Nga umuntu tabifyapo mukusosa kwakwe, ekwebati ali uwalungama ukufikapo. Elo kuti asunga umubili wakwe onse.

1 Petulo 5:10

Nomba ulo mwaumfwa ukufinya pakanshita, Lesa uwabwanshi akumwimaka nakambi nokumubika pamufula uukosele, nokumukoselesha. Ewamwitile ukuti mwinjile mumuchinshi wakwe uutashilapo uuli muli Yesu Klistu.