1 Kolinto 2:4 - Chipangano Chabwangu

⁴ Echo ulo nalikusosa nangula ukushimika, nshasoselepo amashiwi aamulangwe, ukufwaya ukukoboola wabuntu iyowo, kuntu nabalangile nechishibilo ichafiso fyaku Mupashi Wabuta.

1 Kolinto 2:4 ပူးပေါင်းရင်းမြစ်များ

Imilimo ya batumwa 20:27

Pantu nalimushimikila fyonse ifyo Lesa afwaya ukwambula ukushako nangu chimo.

Imilimo ya batumwa 26:28

Elo imfumu Agilipa aebele Paulo ati, “Napo panshita iinini bwaka nji, epo wingalenga ukuti njaluke umwina Klistu?”

Loma 15:13

Echo Lesa uupela ukulindila kwabumi butapwa ewishe imitima yenu nokutemwa, umutende ukupitila mukuchetekela. Ifiso ifya Mupashi Wabuta fikulishe ukulindila nku.

Loma 15:19

mufiso ifikulu nefyakushimbwisha, elo namufiso ifya Mupashi Wabuta. Echo nalishimikile Ubutumi Bwawama ubusosa pafyaku Klistu konse nalikuya, ukutatikila mu Yelusalemu ukufikila naku Ililikumu.

Loma 16:18

Pakuti abo abachita mfi tabapyungilapo Bashikulu Klistu, kuntu bapyungila ifyo bafwaya ukuti bekute nafyo. Namashiwi ayaweme ayakonaula balabepayika abantu banaka muchichetekelo.

1 Kolinto 1:17

Klistu tantuminepo mukubatisha iyowo, kuntu mukubilisha Ubutumi Bwawama. Echo ningile ukushimikila ukutalingana nomulangwe wabuntunse, ukutina ukuti ifiso fyamfwa yaku Klistu pamutanshi fiboneka ukubati fyabwaka.

1 Kolinto 2:1

Bawesu, ulo nayishile kuli mwe ukwebati musambishe ifyafisama ifyo Lesa afisulwile, nshasoselepo kubati uwamulangwe, uwayishiba ifyashika.

1 Kolinto 2:13

Kanshi ifyo tusosa, temashiwipo amulangwe wabantu, kuntu mashiwi awo Mupashi Wabuta atusambisha. Tusambisha ifyachine ifyamupashi kubantu abakwata Umupashi Wabuta.

1 Kolinto 4:20

Pakuba ichikulu mubufumu bwaku Lesa temashiwi bwaka, kuntu imilimo.

2 Kolinto 6:6

Nakambi tulayilanga ukuti tuli bapyungi baku Lesa mukuba abapatulika, mukwishiba ifintu ukufikapo, mukushipikisha, munkumbu, mu Mupashi Wabuta namukutemwa ukufikapo.

Galatiya 1:10

Ulo nkososa mfi, napo nkofwaya ukulumbanishiwa kubantu? Nangu panini, kuntu Lesa bwaka. Napo nkofwaya ukusekesha abantu? Iyowo, nga nalikufwaya ukuchita mfi, tekuti mbepo umupyungi waku Klistu.

Kolose 2:4

Nkomweba ati mwileka umuntu uuli onse amutumpayike mukutalikana ukwabuchenjeshi.

1 Tesalonika 1:5

Ubutumi Bwawama ubo twaletele kuli mwebo, tabwalipo amashiwi bwaka iyowo, kuntu twalisambishe nefiso fyonse mukutangililwa no Mupashi Wabuta ukwambula ukukayika mumitima yesu. Mulishibile ubumi ubo twalinabo ulo twali namwe. Fyonse mfi fyali ifyakumwafwilishako mwebo.

1 Petulo 1:12

Lesa alibafisulwile ukuti tabali ukuyipyungila benka, kuntu pamulandu wenu ulo balikusosa ifyo mumfwa nomba. Bakashimika ba Butumi Bwawama balimwebele mfi ukupitila mu Mupashi Wabuta uwatuminwe ukufuma kumulu. Abangelo nabo balefwayilisha ukwishiba ifintu mfi.

2 Petulo 1:16

Fwebo tatwakonkelepo utushimi utwakupanga ulo twamwishibishe ifyafiso nokubwela kwaku Bashikulu wesu, Yesu Klistu. Twalibwenene fwebene namenso esu ubukulu bwakwe.

2 Petulo 2:18

Mba bantu basosa amashiwi ayakuyitutumuna yapuneme aatakwetepo nakantu. Elo mukufunga ifibi ifyabuntunse, balachenjeleka abantu abapulwike bwangu pabanabo abekala mufibi.