1 Kolinto 2:15 - Chipangano Chabwangu

¹⁵ Umuntu uukwete Mupashi Wabuta angeshiba ukuwama nokubipa kwafintu fyonse, elo tapapo uungamutalikapo.

1 Kolinto 2:15 ပူးပေါင်းရင်းမြစ်များ

Yohane 7:17

Umuntu onse uukofwayisha ukuchita ifyo Lesa afwaya, ewakwisa kwishiba ifyo nkosambisha nga fyafuma kuli Lesa nangula nkoyisosela nemwine.

Imilimo ya batumwa 16:3

Elo Paulo afwayile ukuya nakwe Timoti pabulwendo. Echo alimushilimwine pantu bonse Abayuda abalikwikala mufifulo mfi balishibile ukwebati bawishi Timoti Bagiliki.

1 Kolinto 14:37

Nga chakwebati ukoyitunga ukuba umusambishi wamashiwi aku Lesa, nangula ukuti ulikwete ubupe ubo Mupashi Wabuta upela, asuminishe ukubati ifyo nkomulembela lifunde lyafuma kuli Bashikulu.

1 Kolinto 3:1

Elo nebo, mwe bawesu, nshasoselepo kuli mwe nga bantu abali no Mupashi Wabuta. Nalisosele namwe nga bantu abatakwetepo Umupashi Wabuta. Nalisosele kubati bantu abatemwa ifyapanonshi, nga incheche mubwina Klistu.

1 Kolinto 4:5

Echo mwipingulapo umuntu nangu umo ulo Bashikulu batalafika. Bo ebakwisa kusanikila fyonse ifyamubumfisolo ifyamumfishi. Elo akufisulula ifyamufinsolo nokufisulula amapange aafisama ayamumitima yabo. Panuma chila muntu akupokelela ukutonda kuli Lesa ukulingana nemilimo yakwe.

Galatiya 6:1

Mwe bawesu, nga umo wakumwebo awila muchibi ichili chonse, mwe bakotungululwa no Mupashi Wabuta mulingile ukumubwesha. Muchite mfi nomutima wabufuke. Elo muchenjele ukwebati namwebo mwiwilamo mukweshekwa.

Filipi 1:10

Elo mwakwishiba ukusala ifiweme ukufikapo. Nomba pakasuba Klistu akubwelelamo akumusanga bwaka abakaele, abatakwetepo umulandu nangu pamo.

Kolose 1:9

Pali nchi, nafwebo, ukutatika nkalya kasuba twaumfwile, tatwalekapo ukumulombela. Tulalomba Lesa ukuti amwiushe amano nomulangwe ifyo Mupashi Wabuta apela ukwebati mumfwikishe fyonse ifyo Ye afwaya.

1 Tesalonika 5:21

Lelo mweshe ifintu fyonse. Mulame ifiweme.

Hebele 5:14

Nomba ichakulya ichikosele chabantu abashipa. Ukupitila mukuchita ifintu, bangapusanya pakati kafilungeme nefitalungeme.

1 Yohane 2:20

Nomba mwebo Klistu amusubile no Mupashi Wabuta, echo mulishibile ifintu fyonse.

1 Yohane 4:1

Mwe batemwekwa banji, mwilokuchetekelapo umuntu onse uukososa ukuti ali no Mupashi Wabuta. Mumweshe umuntu ngu ukushininkisha nga mupashi akwete waku Lesa ichine. Pantu abasoseshi ababufi bali mpanga yonse.