1 Kolinto 2:14 - Chipangano Chabwangu

¹⁴ Umuntu uutakwetepo Umupashi Wabuta tomfwapo ififuma ku Mupashi ngu. Kuli ye fipuneme. Elo tekuti afyumfwikishepo pakuti fishibikwa bwaka kumuntu uukwete Umupashi Wabuta.

1 Kolinto 2:14 ပူးပေါင်းရင်းမြစ်များ

Mateyo 16:23

Nomba Yesu alyalukile nokwebaula Simoni Petulo ati, “Fuma mpa Satana! Pantu ifyo ukolanguluka tefyaku Lesa iyowo, kuntu fyabuntu.”

Yohane 10:20

Abenji abaku bo balikweba ati, “Ngu muntu ali nomupashi uubi, alifuntile! Mba nindo mukokutikilako?”

Yohane 12:37

Nangu Yesu achitile mfi fishibilo ifyafiso ifikulu pamenso abo, tabachetekelepo muli Ye.

Yohane 14:17

Ngu Mupashi uusambisha ifyakwebesha. Ichalo tachayise kumupokelela, pantu tabamubonapo nangu ukumwishiba. Nomba mwe mulimwishibile pantu ekala namwe nakambi ali muli mwe.

Yohane 14:26

Kafwa, ewo Umupashi Wabuta, uwo Bata bakumutumina mwishina lyanji, akwisa kumusambisha ifintu fyonse, elo akwisa kumwibukisha ifintu ifyo namwebele.

Yohane 15:26

“Kafwa akwisa, e Mupashi Wabuta, uwo nakutuma kuli mwe ukufuma kuli Bata. Ewakuba mwanamboni wanji.

Yohane 5:44

Mwebo mulapokelela ukutondayisha ukufuma kubanenu, kuntu tamupokelelapo ukutondayisha ukufuma kuli Lesa. Nga kuti mwanchetekela shani?

Yohane 8:43

Mba nindo mutomfwilapo ifyo nsosa? Mulandu wakuti tamukwetepo ifiso ifyakumfwa amashiwi anji.

Imilimo ya batumwa 16:14

Umo waku bo abalikutumfwa ali ni Lidiya uwaku Tiyatila. Alikushitisha insalu ishaswetuluka. Ngu mwanakashi alikulomba Lesa. Elo Bashikulu bayiswile umutima wakwe ukuti omfwikishe ifyali kusosa Paulo.

Imilimo ya batumwa 17:18

Abantu bambi abamulangwe abalikwitwa Bayipikuleya na Basitoyiki abasambishi balikutalikishanya na ye. Bambi balikusosa ati, “Ngoyu uteshibilepo nangu kamo, findo akososa?” Bambi nabo ati, “Ali kubati akososa pamulandu wabalesa bambi.” Basosele mfi pantu Paulo alikubilisha amashiwi aku Yesu nokubuka kwakwe kubafwa.

Imilimo ya batumwa 17:32

Ulo baumfwile Paulo akososa ifyakubuka kubafwa, bambi balikumuseka, kuntu bambi nabo balikusosa bati, “Twakwisa kumfwako nakambi amashiwi nga.”

Imilimo ya batumwa 18:15

Nomba pantu mukotalikana bwaka pamashiwi namashina, nangula namafunde yakumwenu, kuti mwaumfwana mwenka. Nebo tanshifwayapo ukuba kapingula pafintu fyaba nga mfi.”

Imilimo ya batumwa 25:19

Bakwete bwaka fimo-fimo ifyakutalikana nakwe pamulandu wakulomba kwabo, napafyamuntu umo uwafwile uwitwa Yesu uwo Paulo asosa ati wabumi.

1 Kolinto 1:18

Pakuba amashiwi amfwa yaku Klistu pamutashi aba aabwaka kuli bo abakoluba, kuntu kuli fwe abakopuluka, fiso fyaku Lesa.

1 Kolinto 1:21

Pakuba mumulangwe wakwe, Lesa apekenye kabela ukwebati abantu bemwishiba mumulangwe wabo. Nomba Lesa chamuwamine ukwebati apulushe abantu abachetekela ukupitila mumashiwi awo balanguluka ukuba aapuneme awo tusambisha.

1 Kolinto 1:23

Nomba fwebo tulasambisha ifyaku Klistu uwo basamikile pamutashi. Ku Bayuda amashiwi nga akuyituntulako, kuntu kubenafyalo aapuneme.

1 Kolinto 1:25

Pakuba ichiboneka kubati kupunama kwaku Lesa, echamulangwe ukuchila amano abantu. Elo ichiboneka kubati bunake bwaku Lesa, chilachila ifiso fyabantu.

1 Kolinto 15:44

Pakuushika wamunafi, nomba pakubuka wakuba wamupashi. Nga pali umubili wamunafi, ekwebati pali nowamupashi.

1 Kolinto 15:46

Uwakwamba tepo umubili wamupashi, yii. Wakwamba mubili wamunafi, elo panuma uwamupashi.

1 Kolinto 2:12

Fwebo tatwapokelelepo umupashi wapanonse iyowo, kuntu twapokele Umupashi Wabuta uwafuma kuli Lesa, ukwebati ese twafwilisheko ukumfwisha ifyo Lesa atupele bwaka.

1 Kolinto 3:1

Elo nebo, mwe bawesu, nshasoselepo kuli mwe nga bantu abali no Mupashi Wabuta. Nalisosele namwe nga bantu abatakwetepo Umupashi Wabuta. Nalisosele kubati bantu abatemwa ifyapanonshi, nga incheche mubwina Klistu.

Yemusi 3:15

Umulangwe wamusango ngu tawufumapo kumulu iyowo, kuntu wapanonshi, wabuntunse uufumu kumupashi uubi.

1 Yohane 2:20

Nomba mwebo Klistu amusubile no Mupashi Wabuta, echo mulishibile ifintu fyonse.

1 Yohane 2:27

Lelo mwebo Klistu alimusuba no Mupashi Wabuta uyo uwayikala muli mwe. Pamulandu waku nchi, takufwayikapo umuntu nangu umo ukuti amusambishe. Umupashi Wabuta uyo mwasubwa wakulamusambisha fyonse. Fyonse ifyo akomusambisha fyachine nakambi tamuli ifyabufi iyowo. Echo kubati nimfilya amusambishe, mwikalilile muli Klistu.

1 Yohane 5:20

Twalishiba ukuti Umwana waku Lesa alishile nokutupela amano yakwishiba Lesa wachine. Ekuti nomba twaba muli Lesa ngu, pamo namu Mwana wakwe Yesu Klistu. Ngu e Lesa wachine nakambi ebumi butashilapo.

Yuda 1:19

Abantu abali mfi ebalenga pali mwebo ukulekanya. Elo bakonkela bwaka mufyabuntunse. Tabakwetepo Umupashi Wabuta.