1 Kolinto 2:13 - Chipangano Chabwangu

¹³ Kanshi ifyo tusosa, temashiwipo amulangwe wabantu, kuntu mashiwi awo Mupashi Wabuta atusambisha. Tusambisha ifyachine ifyamupashi kubantu abakwata Umupashi Wabuta.

1 Kolinto 2:13 ပူးပေါင်းရင်းမြစ်များ

Luka 12:12

Pantu Umupashi Wabuta wakumusambisha pali njo nshita ifyo muli nokusosa.”

Imilimo ya batumwa 2:4

Elo bonse bayiwile no Mupashi Wabuta. Batatikile nokusosa mundimi ishapusana-pusana kubati ifyo Mupashi afwayile ukuti balokusoselamo.

1 Kolinto 1:17

Klistu tantuminepo mukubatisha iyowo, kuntu mukubilisha Ubutumi Bwawama. Echo ningile ukushimikila ukutalingana nomulangwe wabuntunse, ukutina ukuti ifiso fyamfwa yaku Klistu pamutanshi fiboneka ukubati fyabwaka.

1 Kolinto 14:2

Pakuba umuntu uukososa indimi shitayishibikwapo, tasosapo kubantu iyowo, kuntu kuli Lesa. Pakuba tapapo umuntu uumfwa ifyo akososa. Mupashi Wabuta eumulenga ukusosa ifyamfisolo.

1 Kolinto 2:1

Bawesu, ulo nayishile kuli mwe ukwebati musambishe ifyafisama ifyo Lesa afisulwile, nshasoselepo kubati uwamulangwe, uwayishiba ifyashika.

1 Kolinto 2:14

Umuntu uutakwetepo Umupashi Wabuta tomfwapo ififuma ku Mupashi ngu. Kuli ye fipuneme. Elo tekuti afyumfwikishepo pakuti fishibikwa bwaka kumuntu uukwete Umupashi Wabuta.

1 Kolinto 2:4

Echo ulo nalikusosa nangula ukushimika, nshasoselepo amashiwi aamulangwe, ukufwaya ukukoboola wabuntu iyowo, kuntu nabalangile nechishibilo ichafiso fyaku Mupashi Wabuta.

1 Kolinto 9:11

Nga fwebo twalibyala ifiweme ifyakumupashi pakati kenu, nomba tatungapokapo shani kuli mwe ifyo tubulisha mubumi bwesu?

Efeso 5:19

Musoshanye namashiwi aamalumbo, nenyimbo shaku Lesa, neshakutondayisha Lesa. Mwimbile Bashikulu mukutondayisha nomutima onse.

Kolose 3:16

Lekeni amashiwi aku Klistu aamuchinshi alokwikala mumitima yenu. Mulokusambilishanya nokupandana amano. Mulokwimba inyimbo ishakutondayisha Lesa isha Malumbo, neshakutotela, nenyimbo shimbi ishakulumbanya Lesa. Mulokwimbila Lesa nokumutotela mumitima yenu.

1 Petulo 1:12

Lesa alibafisulwile ukuti tabali ukuyipyungila benka, kuntu pamulandu wenu ulo balikusosa ifyo mumfwa nomba. Bakashimika ba Butumi Bwawama balimwebele mfi ukupitila mu Mupashi Wabuta uwatuminwe ukufuma kumulu. Abangelo nabo balefwayilisha ukwishiba ifintu mfi.

2 Petulo 1:16

Fwebo tatwakonkelepo utushimi utwakupanga ulo twamwishibishe ifyafiso nokubwela kwaku Bashikulu wesu, Yesu Klistu. Twalibwenene fwebene namenso esu ubukulu bwakwe.