1 Kolinto 2:1 - Chipangano Chabwangu

¹ Bawesu, ulo nayishile kuli mwe ukwebati musambishe ifyafisama ifyo Lesa afisulwile, nshasoselepo kubati uwamulangwe, uwayishiba ifyashika.

1 Kolinto 2:1 ပူးပေါင်းရင်းမြစ်များ

Imilimo ya batumwa 20:21

Nalikukonkobesha Abayuda nabenafyalo ukuti balapile nokwalukila kuli Lesa ukuti bachetekele muli Bashikulu Yesu.

Imilimo ya batumwa 22:18

Nabwene Bashikulu bakonjeba ati, ‘Fumamo bwangu-bwangu mu Yelusalemu pantu abantu kuno tabakumfwile ifyo wakusambisha ifyaku nebo.’

Loma 16:18

Pakuti abo abachita mfi tabapyungilapo Bashikulu Klistu, kuntu bapyungila ifyo bafwaya ukuti bekute nafyo. Namashiwi ayaweme ayakonaula balabepayika abantu banaka muchichetekelo.

Loma 16:25

Nomba Lesa uwafiso akomukoselesha ukupitila Mubutumi Bwawama ubo nkoshimika ubusosa ifyaku Yesu Klistu. Mfi fyalifishilwe pamyaka iinji.

1 Kolinto 1:17

Klistu tantuminepo mukubatisha iyowo, kuntu mukubilisha Ubutumi Bwawama. Echo ningile ukushimikila ukutalingana nomulangwe wabuntunse, ukutina ukuti ifiso fyamfwa yaku Klistu pamutanshi fiboneka ukubati fyabwaka.

1 Kolinto 1:6

Pakuba amashiwi akupela bukamboni bwaku Klistu alishikile muli mwebo.

1 Kolinto 2:13

Kanshi ifyo tusosa, temashiwipo amulangwe wabantu, kuntu mashiwi awo Mupashi Wabuta atusambisha. Tusambisha ifyachine ifyamupashi kubantu abakwata Umupashi Wabuta.

1 Kolinto 2:4

Echo ulo nalikusosa nangula ukushimika, nshasoselepo amashiwi aamulangwe, ukufwaya ukukoboola wabuntu iyowo, kuntu nabalangile nechishibilo ichafiso fyaku Mupashi Wabuta.

1 Kolinto 2:7

Umulangwe uwo tusosa waku Lesa, uwamubumfishi, uwafisama ukufuma kubantu. Lesa talatala ichalo, apekenye kabela ukuti atupele ubuleme.

2 Kolinto 10:10

Bambi bakoti, “Makalata akwa Paulo abukali nakambi afiso. Nomba umwine nga ali pakati kesu, aba uwanaka, namashiwi akwe takwetepo akantu.”

2 Kolinto 11:6

Nangu tekuti njishibe bwino kubati nimfilya bachita, kuntu temumanopo iyowo. Mfi twalimubweneshe munshila ishinji muli fyonse.

2 Tesalonika 1:10

Chakuba mfi ulo akwisa pali nkalya kasuba ukuti abo asala bamuchinshike, ina, bonse abachetekela bamuchinshike. Namwe mwakuba pamo pantu mwachetekela amashiwi ngalya twamusambishe.

1 Timoti 1:11

Ichisambililo nchi chikosangwa mu Butumi Bwawama ubo Lesa uwamuchinshi nakambi uwashuka ampele.

2 Timoti 1:8

Wibapo nensoni ukubela bukamboni Bashikulu wesu. Nakambi wibapo nensoni pamulandu waku nebo ne uuli muchifungo pamulandu wakwe. Nomba uyipekanye ukuchula pamulandu Wabutumi Bwawama ukulingana nefiso ifikupela Lesa.

1 Yohane 4:14

Elo twalibona nokwebapo bambi ukuti Bata balitumine Umwana wabo ukuba Umupulushi wanchino chalo.

Ukufisulula 1:2

Echo Yohane alifisulula fyonse ifintu ifyo abwene. Nga emashiwi akwe aakochitila bukamboni kumashiwi aku Lesa nakuli fyonse ifyo Yesu Klistu asosele.

Ukufisulula 1:9

Nine Yohane wenu, nakambi muli Klistu ndi namwebo pamo mumachushi, mubufumu namukushipikisha. Nalikakilwe pachishi cha Patimosi pamulandu wakusambisha Amashiwi aku Lesa ukubela bukamboni pali Yesu.

Ukufisulula 19:10

Epo nalifukeme pamakasa akwe ukwebati mulombe, kuntu ye asosele kuli nebo ati, “Wichitapo mfi iyowo! Nandibo ndimupyungi bwaka kubati niwe. Nandibo ndi uwabachetekela kubati niwe nabanobe abo abakochitila Yesu bukamboni. Ulokulomba Lesa!” Pakuti ukuchitila Yesu bukamboni ebusoseshi ubwine-bwine.