1 Kolinto 16:6 - Chipangano Chabwangu

⁶ Nalimo nakwikalako kuli mwe akashita kanini, nangula inshita yonse yamwela. Nkofwaya ati panuma mukangafwilisheko pabulwendo bwanji ukuli konse uko nakuya.

1 Kolinto 16:6 ပူးပေါင်းရင်းမြစ်များ

Imilimo ya batumwa 15:3

Epo batuminwe nechilonganino. Echo bayile kupita muchalo chaku Fenisiya naku Samaliya, baya bakoshimika kubachetekele aya amashiwi aakuti nabo abenafyalo banakile Lesa. Nabena Klistu bonse balisekelele pali nga mashiwi.

Imilimo ya batumwa 17:15

Elo abalalume bashindikile Paulo nokumufisha ku Atene. Panuma babwelele ku Beleya, bakwete namashiwi afumine kuli Paulo aakuti Sailasi na Timoti bendeshe kuya kuli ye.

Imilimo ya batumwa 20:38

Balikulilishika pamashiwi asosele ati, “Tamwakambonepo nakambi iyowo.” Elo balimushikishe kubwato.

Imilimo ya batumwa 21:5

Nomba ulo inshita yesu iyakwikala nabo yashilile, twalilayile nokuya palwendo lwesu. Bonse kumo abalalume, abanakashi nabana balitushindike ukufuma mumushi. Ulo twafikile mululamba lwaku bemba, twalifukeme nokulomba.

Imilimo ya batumwa 27:12

Ncho chabu tachalingilepo ukwikala munshita yamwela. Emulandu abenji balikufwayila ukupitilila mubulwendo nokuyafika kuchabu cha Fonikisi. Fonikisi chabu chaba mupepi nechishi cha Kileti ichalolesha kukapindami-kepi-kumbonshi nakukapindami-katali-kumbonshi.

Imilimo ya batumwa 28:11

Ulo papitile imyeshi itatu, twayile mubwato ubwafumine ku Alekisandiliya ubwali kwitwa, “Balesa Bampundu” ubwayikele muchishi panshita yamwela.

Loma 15:24

pakuya ku Sipeyini. Natutemwa ukumutandalila pakanshita, elo panuma nkofwaya ukuti mukangafwilisheko mubulwendo bwanji.

1 Kolinto 16:11

Kanshi pebapo nangu umo uwakumutinya. Mukamushikisheko mumutende pakubwelela kuli nebo. Pakuba nkomulindila pamo nabawesu bambi.

2 Kolinto 1:16

Nali kulanguluka ukupita kuli mwe pabulwendo bwanji ubwaku Masedoniya. Elo nkapiteko nakambi pakubweluluka nkulya ulo nakuya ku Yudeya.

Taitasi 3:12

Nga natuma Alitemasi nangula Tikikasi kuli webo, ukendeshe ukwisa kuli nebo ku Nikopolisi pakuti nkofwaya ukuba nkulya panshita yamwela.