1 Kolinto 16:11 - Chipangano Chabwangu

¹¹ Kanshi pebapo nangu umo uwakumutinya. Mukamushikisheko mumutende pakubwelela kuli nebo. Pakuba nkomulindila pamo nabawesu bambi.

1 Kolinto 16:11 ပူးပေါင်းရင်းမြစ်များ

Luka 10:16

Nakambi Yesu asosele kubakusambila bakwe ati, “Uyo onse uwakumfwa kuli mwebo, ekwebati nikuli nebo akoumfwa, nangulya onse uwakumukana mwebo, ekwebati ninebo akokana. Epo onse uwakunkana nebo, ekwebati akana na uyo uwantumine.”

Imilimo ya batumwa 15:3

Epo batuminwe nechilonganino. Echo bayile kupita muchalo chaku Fenisiya naku Samaliya, baya bakoshimika kubachetekele aya amashiwi aakuti nabo abenafyalo banakile Lesa. Nabena Klistu bonse balisekelele pali nga mashiwi.

Imilimo ya batumwa 15:33

Ulo bayikeleko inshita iilingile, abantu mba balayene nabachetekela ukuti babwelelemo umutende kubabatumine. [

1 Kolinto 16:10

Nga Timoti ayisa kuli mwe, mulingile ukwikala nakwe mumutende, ukwambula ichakumutinya pantu apyungila Bashikulu kubati nine.

1 Kolinto 16:6

Nalimo nakwikalako kuli mwe akashita kanini, nangula inshita yonse yamwela. Nkofwaya ati panuma mukangafwilisheko pabulwendo bwanji ukuli konse uko nakuya.

2 Kolinto 1:16

Nali kulanguluka ukupita kuli mwe pabulwendo bwanji ubwaku Masedoniya. Elo nkapiteko nakambi pakubweluluka nkulya ulo nakuya ku Yudeya.

1 Tesalonika 4:8

Ekuti uyo onse uulengulula ukusambisha nku, takolengululapo muntu iyowo, kuntu Lesa uutupela Umupashi Wabuta.

1 Timoti 4:12

Kwibapo umuntu nangu umo uwakukusuula pantu uli umulumbwana. Nomba ube ichakubwenako kuba Klistu bonse mukusosa kobe, mumyendele, mukutemwa, muchichetekelo namukubuta umutima.

Taitasi 2:15

Mfi efyo ulokusambisha. Ulokubachinchisha abantu nokubakonkobesha nefiso fyonse. Kwibapo umuntu nangu umo ukuti akuloleshe pamutwi.

3 Yohane 1:6

Mba basosele nkuno pafyakutemwa uko wakwata pachilonganino. Kuti chawama ukwinekantu nga mwabafwilisha, mukusekesha Lesa, ukuti bapitilile mubulwendo lwabo.