1 Kolinto 15:54 - Chipangano Chabwangu

⁵⁴ Ulo umubili uwingabola wakufwala uutangabolapo, penkapo fyakufikilishiwa ifyo Amalembo asosa ati, “Imfwa yachimfiwa ukufikapo!”

1 Kolinto 15:54 ပူးပေါင်းရင်းမြစ်များ

Luka 20:36

Bakwisa ukubati bangelo. Tekuti bafwepo. Bana baku Lesa pantu balibukile kubafwa.

Loma 1:23

Muchifulo chakutotela Lesa uwabumi, batotela tungosa wakubasa utuboneka kubati bantu bwaka, nangula ifyuni nangula inama nangula ifiyikula.

Loma 2:7

Abantu bonse abachinchila mukuchita ifiweme nokufwaya ubuleme, umuchinshi nobumi, Lesa akubapa ubumi butashila.

Loma 6:12

Pamulandu ngu mwileka ububi ukuti butungulule mibili yenu iyo yakwisa kufwa nakambi mwinakilila kukufwaya kwamibili yenu.

Loma 8:11

Kati Umupashi waku Lesa, uyo uwabushishe Yesu ukufuma kubafwa aba muli mwebo, ekwebati Lesa uwabushishe Klistu Yesu ukufuma kubafwa akwisa kubusha imibili yesu iifwa ukupitila Mumupashi wakwe uwaba muli mwe.

2 Kolinto 4:11

Mubumi bwesu bonse tukopelwa kumfwa pamulandu waku Yesu ukwebati ubumi bwakwe buboneke mumibili yesu iifwa.

2 Kolinto 5:4

Ulo tuchili muli njino nanda, tulatenda nokulemenwa. Tepamulandu uwakuti tukofwaya ukufula ulusasa ndu iyowo, kuntu ukuti tufwikwe inanda yakumulu pakwebati ichafwa chaaluke ichabumi.

2 Tesalonika 1:10

Chakuba mfi ulo akwisa pali nkalya kasuba ukuti abo asala bamuchinshike, ina, bonse abachetekela bamuchinshike. Namwe mwakuba pamo pantu mwachetekela amashiwi ngalya twamusambishe.

Ukufisulula 20:14

Penkapo imfwa nechifulo chabafwa fyaposelwe muli bemba wamulilo. (Bemba wamulilo ngu emfwa yachibili.)

Ukufisulula 21:4

Echo akubakumuna iminsoshi yabo yonse. Tapakabepo imfwa nakambi iyowo, ubulanda ukulila nangula ukumfwa ifyakufinya. Ifintu ifyakale fyonse filipitile.”