1 Kolinto 15:52 - Chipangano Chabwangu

⁵² Mfi fyakuchitika pakashita kanini, mukukapawila kwalinso ulo lupenga lwakupelako lwakulila. Pakulila kwalupenga bwaka abafwa bakubuka nemibili iitangabolapo, elo fwebo twakwaluka.

1 Kolinto 15:52 ပူးပေါင်းရင်းမြစ်များ

Mateyo 24:31

Epo akutuma abangelo bakwe ukulisha ulupenga ulwachiunda ichikulu. Bakulonganya abasalwa bakwe ukufuma konse kutupinda tune twachalo, ukutatikila uko ichalo chapela ukufikila nokumpelo kunakwe.

Yohane 5:25

Nachine nkomweba ati, inshita ikoyisa, nanomba ilifikile kale, ulo abafwa bakwisa kumfwa ishiwi lya Mwana waku Lesa, nambalya bonse abakolyumfwa bakubukila kubumi.

Yohane 5:28

Mwilenga mushimbwe pali nchi, inshita ikoyisa ulo abafwa bonse bakwisa kumfwa ishiwi lyakwe.

1 Kolinto 15:23

Ukubako umuntu onse akubuka panshita yakwe: Uwakwambilapo ni Klistu, elo panshita yakwisa kwakwe abantu bakwe nabo bakwisa kubuka kubafwa.

1 Kolinto 15:42

Fyakuba mfi ulo abafwa bakubuka. Umubili bashika mwiloba ulabola, nomba pakubuka kubafwa wakuba uutangabolapo.

1 Kolinto 15:50

Icho nkomweba bawesu chakuti umuntu nomubili wakwe uwamunafi tangenjilamo mubufumu bwaku Lesa. Elo fyonse ifibola tekuti finjilepo uko ifintu fitabola.

1 Tesalonika 4:15

Nomba kamwebe amashiwi a Bashikulu abene basosele kuli fwebo fwe bakuli abomi pakasuba Bashikulu bakwisa, tatwakatangililepo mbalya abafwa kale iyowo.

2 Petulo 3:10

Nomba akasuba kaku Bashikulu kakwisa nga mung’o. Pakasuba nkalya iwulu lyakuluba nokubuluma ukukulu. Ifintu fyonse fyakupya nokusungulika kumulilo. Elo ichalo nefintu ifyabamo fyakupya shikiti.

Ukufisulula 8:13

Nalilolekeshe nokubona ulukoshi lukopapala nakambi lukobilikisha ati, “Obe! Obe! Obe kubantu abapanonshi. Chakubabipila ukwinekantu ulo abangelo batatu mbalya abashala bakwisa kulisha amapenga abo!”

Ukufisulula 8:2

Elo nalibwene abangelo basano na babili abaimakene pachinso chaku Lesa, balikupelwa amapenga asano na abili.