1 Kolinto 15:4 - Chipangano Chabwangu

⁴ Alishikilwe mumanda, mukasuba kalenga shitatu alibukile kubafwa kubati ifyo Amalembo asosa.

1 Kolinto 15:4 ပူးပေါင်းရင်းမြစ်များ

Mateyo 12:40

Fyenka ifyo Yona ali mumala answi iikulu inshiku shitatu, akasuba nobushiku, efyo no Mwana wa Muntu akuba munda yachalo inshiku shitatu.

Mateyo 16:21

Ukufuma panshita njilya Yesu atatikile ukulondolwela abakusambila bakwe ati, “Ningile ukuya ku Yelusalemu uko abakulu Babayuda, intungulushi shabachipupila, nabasambishi ba Mafunde bakuya kunchusha ukwinekantu nokunjipaya. Nomba mukasuba kalenga shitatu nakwisa kubuka kubafwa.”

Mateyo 20:19

Bakoya kumupela muminwe yabenafyalo. Nabo bakoya kumusekuluka, ukumupanda ifikoti nokumusamika pamutashi. Nomba pakasuba kalenga shitatu akwisa kubuka kubafwa.”

Maliko 9:31

Pakuti alikusambisha abakusambila bakwe ati, “Umwana wa Muntu akoyembulwa kubantu. Elo bakumwipaya. Nomba mubushiku bwalenga shitatu, akwisa kubuka kubafwa.”

Luka 24:26

Kanshi tachaweme Uwasubwa waku Lesa ukuti achulile mfi fintu, elo enjile mumuchinshi wakwe?”

Luka 24:46

Asosele kuli bo ati, “Nchi echalembwa ukuti Uwasubwa waku Lesa alingile ukuchula nokubuka kubafwa pakasuba kalenga shitatu.

Luka 9:22

Nakambi alibebele ati, “Umwana wa Muntu ali nokuchula ukwinekantu. Elo akusulwa kubakulu Babayuda kuntungulushi shabachipupila, bafilolo nabasambishi ba Mafunde. Bakumwipaya, kuntu mukasuba kalenga shitatu akwisa kubuka kubafwa.”

Yohane 19:38

Panuma yamfi, Yosefe waku Alimateya afumbile Pilato ukwebati amusuminishe ukubula ichitumbi chaku Yesu. (Yosefe ngu ali wakusambila waku Yesu, nomba mubumfishi pantu alikutina abakulu ba Bayuda.) Elo Pilato alimusuminishe. Ayile nokupinta ichitumbi chaku Yesu.

Imilimo ya batumwa 1:3

Panuma yakufwa nokubuka, aliilangile kuli bo munshila shapusana-pusana. Abonekele kuli bo nokusosa nabo ifyabumi bwaku Lesa munshiku amakumi ane.

Imilimo ya batumwa 17:31

Pantu Lesa alipekanya kale akasuba akupingwilamo abantu bonse abamuno chalo mumulinganya ukupitila mumuntu uyo asontele. Lesa alangile kubantu bonse ukuti eye asala ulo amubushishe kubafwa.”

Loma 6:4

Echo mulubatisho lwesu, twashikilwe pamo na Ye nokuba mumfwa yakwe ukwebati kubati nimfilya Bata bamubushishe kubafwa nefiso fyabo, elo nafwe tube nobumi bwabwangu.

Kolose 2:12

Pantu ulo mwabatishiwe mwashikilwe pamo na Klistu. Elo mulubatisho lwenka emo mwabukile pamo na Klistu mukuchetekela kwenu mufiso fyaku Lesa uwamubushishe Klistu kubafwa.

Hebele 13:20

Lesa upela umutende, alibushishe Bashikulu Yesu kubafwa, Ye ali ni Chembela mukulu wambelele pamulandu wamfwa yakwe ili chishibilo ichachipangano ichitapwa.

1 Petulo 1:11

Umupashi waku Klistu uwayikala muli bo wasosele kabela ifyakufinya ifyo Klistu akuumfwa, elo nefyamuchinshi uwo akuba nawo panuma. Abasoseshi mbalya balikufwayilisha ukwishiba ulo mfi fyakuchitika, namunshila ndo.