1 Kolinto 15:34 - Chipangano Chabwangu

³⁴ Bwelelenipo kumalangulushi enu aaweme, elo muleke nokubifya. Nkososa mfi ukuti mwanshe nsoni.

1 Kolinto 15:34 ပူးပေါင်းရင်းမြစ်များ

Mateyo 22:29

Elo Yesu alibasukile ati, “Mwaliluba pantu tamwayishiba Amalembo aku Lesa nangula ifiso fyakwe.

Yohane 5:14

Panuma, Yesu amusangile munanda yaku Lesa. Elo asosele kuli ye ati, “Umfwa nomba ulipolele, wibifyapo nakambi ukwebati ichintu ichikulu ichabipisha chikakuchitikila webo.”

Yohane 8:11

Naye aasukile ati, “Tapapo nangu umo mwe Bashikulu.” Naye Yesu asosele ati, “Chiweme, nandibo nshakupelepo umulandu. Koya, kuntu wibifyapo nakambi.”]

Imilimo ya batumwa 26:8

Mulandu ndo mwebo mwebali mpano mutachetekela ukuti Lesa alabusha abafwa?

Loma 1:28

Pantu abantu mbalya balikene ukumfwila, Lesa alibalekele mumalangulushi abo aabi, ukuti bachite ifintu ifyabipisha ifyo tabalingilepo ukuchita.

Loma 13:11

Echo mulokuchita mfi pakuti mulishibile ukuti inshita yakubuka mutulo ilifikile. Nachine, inshita iyakupuluka kwesu ilipalamine ukuchila ifyo chali ulo twachetekele.

1 Kolinto 4:14

Tanshikomulembelapo mfi ukumwansha insoni, kuntu ukuti muchenjesheko bwaka pakuti muli bana banji abatemwekwa.

1 Kolinto 6:5

Ukuba nkososa mfi ukuti mwashe nsoni. Napo pali mwe tapapo nangu umo uwamulangwe uungapingula imilandu pakati kabena Klistu banakwe?

1 Kolinto 8:7

Nomba te bonsepo abeshibile mfi. Bambi balibelesha ukupupa tungosa wakubasa. Ukufika nanduno nga balya ifyo bapupila tungosa wakubasa, balanguluka ukuti ichakulya nchilya chapelwa kutungosa wakubasa. Nomba pakuti kampingu wabo uunakile, elo bayilanguluka ukuba abakowela kuchakulya nchi.

Efeso 5:14

Pakuba ichili chonse ichibonekela apatubile chilasanguka ukusanika. Kubati nimfilya chalembwa ati, “Bukeni webo weulele, buka kubafwa, elo Klistu akukusanikila.”

1 Tesalonika 4:5

Teyalunkumbwapo kubati benafyalo abashamwishibapo Lesa.