1 Kolinto 15:2 - Chipangano Chabwangu

² Lesa akumupulusha ukupitila mu Butumi Bwawama mbu kati mukosunga bwino amashiwi akwe kubati nimfilya namwebele. Achatali mfi, ukuchetekela kwenu nga kwali kwabwaka.

1 Kolinto 15:2 ပူးပေါင်းရင်းမြစ်များ

Luka 8:13

Imbuto ishawile mulubwelekese, ebantu abomfwa amashiwi aku Lesa nokuyapokelela elo nokusekelela, nomba tayenjilisha mumitima yabo. Bakochetekela pakashita akanini bwaka. Ulo inshita yakwesheka yaisa balanakuka.

Imilimo ya batumwa 2:47

Balikutotela Lesa nokusangulusha abantu bonse. Elo inshiku shonse Bashikulu balikubalundilako nabambi abakupuluka.

Imilimo ya batumwa 8:13

Naye Simoni umwine alichetekele, panuma yakubatishiwa, alikwikala pamo na Filipo. Ashimbilwe ukwinekantu ulo abwene ifyakushimbwisha fikulu ifyo Filipo alikuchita.

Loma 1:16

Nebo nshakwatapo nsoni pa Butumi Bwawama, pakuba efiso fyaku Lesa mukupulusha abantu bonse abachetekela, ukutatikila ku Bayuda elo nakubenafyalo.

Loma 11:22

Nomba mwishibe ukuti Lesa wankumbu, elo mukali. Mukali kuli bo abawa, kuntu wankumbu kuli mwebo chikulu tamusulapo inkumbu shakwe. Nga chakuti mwasula, akumuputulako.

1 Kolinto 1:18

Pakuba amashiwi amfwa yaku Klistu pamutashi aba aabwaka kuli bo abakoluba, kuntu kuli fwe abakopuluka, fiso fyaku Lesa.

1 Kolinto 1:21

Pakuba mumulangwe wakwe, Lesa apekenye kabela ukwebati abantu bemwishiba mumulangwe wabo. Nomba Lesa chamuwamine ukwebati apulushe abantu abachetekela ukupitila mumashiwi awo balanguluka ukuba aapuneme awo tusambisha.

1 Kolinto 11:2

Nkomutotela pakunjibukisha muli fyonse nokwikatisha ifyo namusambishe.

1 Kolinto 15:14

Nomba nga Klistu tabukilepo kubafwa, ekwebati ukushimika kwesu kwabwaka, elo nokuchetekela kwenu takupo akantu.

2 Kolinto 2:15

Nachine tuli kubati chena ichiweme ichaku Klistu ichiwamina Lesa pali bo abakopuluka nakuli bo abakuloba.

2 Kolinto 6:1

Pakuti nomba tubombela pamo na Lesa, mwialula ukushuka uko Lesa amupele ukuba ukwabwaka.

Galatiya 3:4

Napo ishuko lyaku Lesa mwapokelele lyabwaka? Tefyopo iyowo.

Efeso 2:8

Pakuba mwalipuluka pamulandu wabwanshi bwaku Lesa pakuchetekela. Tamwapulushiwe pamulandu wafyo mwachitile iyowo, kuntu bupe bwaku Lesa.

Kolose 1:23

Emukuti muli nokutwalilila muchichetekelo ichayimakwa pamufula uwakosa. Mwileka nangu chimo chimusunkanye nokumufumyapo kucho mwachetekelamo lwenka ulo mwaumfwile Ubutumi Bwawama. Lesa alimpele nebo, ne Paulo, umulimo uwakushimikila Ubutumi Bwawama mbu ubukoshimikilwa kubantu bonse abamuchalo.

2 Tesalonika 2:15

Echo bawesu, mwimakane ndi nokwikatisha ifyo twamusambishe ulo twamushimikile nangula ifyo twalembele.

2 Timoti 1:9

Ye alitupulusha nokutwita ukuti tube ababuta, tepamulandu wakuti twapyungilepo imilimo iiweme iyowo, kuntu twalitilwe ukulingana nobufwayo bwakwe. Elo alitwita muli Klistu Yesu uwatukwatile ubwanshi inshita tayilafika.

Hebele 10:23

Tushipe muchichetekelo ichakulindilila icho tukwete pakuti uyo uwatulayile wachishinka.

Hebele 2:1

Echo ifyo twaumfwile tulingile ukufisunga bwino-bwino ukutina ukwebati panini-panini kuti twafilufya.

Hebele 3:14

Echo fwebo bonse tupyungila pamo na Klistu nga twatwalilila muchichetekelo twakwete pakwamba ukufikila nakumupwilo wabumi bwesu.

Hebele 3:6

Nomba Klistu, pakuti Mwana waku Lesa, wachishinka pakutungulula abamunanda yaku Lesa bonse. Elo fwebo tuli abamunanda yakwe nga chakuti tatulekelepo ukuba abashipa nokuyitutumuna kufyo tulolela.

Hebele 4:14

Nomba katwikatishe ichichetekelo icho twasumina. Pakuti tuli nakwe Chipupila Mukulu uwachilapo, Ye uwayinjile kumulu kwine kuli Lesa. Ngu ni Yesu Umwana waku Lesa.

Yemusi 2:14

Mwe bawesu, nindo chikoyafwilisha nga umuntu akososa ati, “Ndi nechichetekelo,” kuntu tapapo imilimo achita? Napo ichitekelo chamfi kuti chamupulusha?

Yemusi 2:17

Echo, ichichetekelo ichambula imilimo iiweme, chalifwa.

Yemusi 2:26

Echo kubati mubili uwambula umupashi waba uwafwa, efyo nechichetekelo ichambula imilimo chili ichafwa.