1 Kolinto 15:14 - Chipangano Chabwangu

¹⁴ Nomba nga Klistu tabukilepo kubafwa, ekwebati ukushimika kwesu kwabwaka, elo nokuchetekela kwenu takupo akantu.

1 Kolinto 15:14 ပူးပေါင်းရင်းမြစ်များ

1 Kolinto 15:17

Elo nga Klistu tabamubushishepo, ekwebati ichichetekelo chenu tachilipo kantu, elo muchili mububi.

1 Tesalonika 4:14

Tulachetekela ukuti Yesu alifwa nokubuka, nakambi munshila imo yenka tulachetekela ukwebati bo abafwile nechichetekelo muli Yesu, Lesa akubabusha nokubasenda pamo na Yesu.

Yemusi 2:20

We kapepetoyi! Napo ukofwaya ichakubwenako ukuti ichichetekelo ichambula imilimo chabwaka?

Galatiya 2:2

Naliile nku pakuti Lesa ewantumine. Pakulongana ukwabakulu abachilonganino, nalilondolwele bwino-bwino ifya Butumi Bwawama ubo nsambisha kubenafyalo. Nachitile mfi ukwebati imilimo iyo momba kuti yaba iyabwaka.

Imilimo ya batumwa 17:31

Pantu Lesa alipekanya kale akasuba akupingwilamo abantu bonse abamuno chalo mumulinganya ukupitila mumuntu uyo asontele. Lesa alangile kubantu bonse ukuti eye asala ulo amubushishe kubafwa.”

Mateyo 15:9

Ukunambila kwabo kwabwaka, pantu basambisha bwaka ifyabantu ukubati mafunde yanji!’”

1 Kolinto 15:2

Lesa akumupulusha ukupitila mu Butumi Bwawama mbu kati mukosunga bwino amashiwi akwe kubati nimfilya namwebele. Achatali mfi, ukuchetekela kwenu nga kwali kwabwaka.

Yemusi 1:26

Nga chakuti kuli umuntu uukoyilanguluka ukuti alalomba Lesa, elo tasungapo akanwa kakwe, ukulomba kwakwe kwabwaka nakambi akoyibepapo.

1 Kolinto 15:13

Nga abafwa tabakabukepo, ekwebati Klistu naye tabukilepo kubafwa.