1 Kolinto 15:10 - Chipangano Chabwangu

¹⁰ Nomba pakuti Lesa alinkwatile ubwanshi, ndi kubati ifyo ndi. Elo ubwanshi bwakwe bwapangilepo akantu muli ne pakuti nalibombele imilimo ukuchila pabatumwa bonse. Nomba tenepo uwabombele, kuntu ubwanshi bwaku Lesa ubukobombela muli ne.

1 Kolinto 15:10 ပူးပေါင်းရင်းမြစ်များ

Mateyo 10:20

Pakuti temwepo mwalikusosa iyowo, kuntu Mupashi waku Bawishinwe bakumulu ewalikusosela muli mwe.

Mateyo 25:16

Uwapelwe amakana asano alimine nokushifungashanya. Elo asangilemo nashimbi amakana asano.

Loma 11:1

Nomba nkofumba ati, napo Lesa alibakene abantu bakwe? Iyowo, tefyopo! Nebo ndimwina Isilaeli! Nachine nkofuma kumutundu wakwa Abulahamu, kumukowa wakwa Benjameni.

Loma 12:3

Ukupitila mufiso ifyo Lesa ampela mubwanshi bwakwe, nkomukonkobesha ukuti mwilokuyitutumuna. Nachine mube nomutembo mumalangulushi enu ukulingana nobukulu bwachichetekelo chenu icho Lesa apela umo-umo pali mwe.

1 Kolinto 15:11

Nomba kati chafumine kuli ne nangu kuli bo, mfi efyo bonse tushimikila, nakambi efyo mwachetekela.

1 Kolinto 15:2

Lesa akumupulusha ukupitila mu Butumi Bwawama mbu kati mukosunga bwino amashiwi akwe kubati nimfilya namwebele. Achatali mfi, ukuchetekela kwenu nga kwali kwabwaka.

1 Kolinto 3:10

Ukubomfya ichabupe icho Lesa ampele, nalibombele umulimo nga inchenshi mukwimaka nokuwamya umufula, elo umbi akoyimakapo. Nomba umo naumo alingile ukuchenjela umo emakila.

1 Kolinto 3:6

Nebo nabyele imbuto, Apolosi ayitilile, kuntu uwashimeneshe ni Lesa.

1 Kolinto 4:7

Mba ninani uwakupele ubukulu pali bambi? Napo fyonse wakwata tafyafumapo bwaka kuli Lesa? Webo wapelwe bwaka, mba kuti wayitutumuna shani kubati tawapelwepo bwaka?

2 Kolinto 12:11

Naba uupuneme, kuntu nimwebo mwalenga mfi. Nimwe mwalingile ukumpela bukamboni. Pakuba nangu nshilipo kantu, kuntu “abatumwa” benu abo abayibela tabanchililepo nangu panini.

2 Kolinto 3:5

Pakuba muli fwebo fwenka tekuti tuchitepo umulimo uwa mfi. Ifiso fyesu fifuma kuli Lesa.

2 Kolinto 6:1

Pakuti nomba tubombela pamo na Lesa, mwialula ukushuka uko Lesa amupele ukuba ukwabwaka.

Galatiya 2:8

Pakuti Lesa uwapyungile muli Petulo nokupela umulimo wakushimikila ku Bayuda, ewabombele namuli nebo ukuti mbe umutumwa kubenafyalo.

Filipi 2:13

Pakuba Lesa eubombela muli mwebo ukuti mufwaye nokuchita ifimusekesha Ye.

Filipi 4:13

Ningachita ichili chonse pakuti Klistu eumpela ifiso.

1 Tesalonika 5:12

Tukomupapata mwe bawesu, mulokuchinshika abakobombela pali mwebo, nentungulushi shenu, muli Bashikulu Yesu Klistu, nabo abakomuchenjeshako.

1 Timoti 4:10

Emulandu tupyungila nefiso nokulwisha, pakuti ichichetekelo chesu chaba muli Lesa uwabumi uyo uuli Mupulushi wabantu bonse, nokuchilapo abo abachetekela.