1 Kolinto 14:6 - Chipangano Chabwangu

⁶ Nomba, mwe bawesu, nga naisa kuli mwe nkososa mundimi ishitayishibikwapo, nindo mwingasangamo? Takupo mwakubonamo mukusosa kwanji nku, sembi namuletela ifyo Lesa aamfisulwile, amano, ubutumi bwakwe nangu ukusambisha kumbi.

1 Kolinto 14:6 ပူးပေါင်းရင်းမြစ်များ

Mateyo 11:25

Pali njilya nshita Yesu asosele ati, “Bata, mwe Kateka wamulu nechalo! Nkomutotela pantu mwalanga mfi ifintu kubatasambilila ifyo mwafishile kubamano nabasambilila.

Mateyo 16:17

Pakwasuka Yesu amwebele ati, “Walishuka Simoni mwana Yona, pantu temuntupo uwakufisulwila nchi iyowo, kuntu ni Bata bakumulu.

Mateyo 16:26

Mba bune ndo chingamuletelapo umuntu nga anonke ichalo chonse nomba alufya ubumi bwakwe? Nga chintu ndo umuntu angakabushanyapo nobumi bwakwe?

Imilimo ya batumwa 2:42

Abachetekela mba balikukumana inshita shonse ukuti bomfwe ifyo abatumwa balikusambisha. Balikwikala mubwana-nkashi, balikulya nokulombela pamo.

Loma 15:14

Mwe bawesu, nalishininkisha ukwebati mulikwete ubumi ubuweme, mulishibile fyonse ifisuma nokusambishanya.

Loma 16:17

Nkomupapata, mwe bawesu, chenjeleni nabo abapatukanya abantu pakati kenu nokulenga abanabo ukubifya. Pakuchita mfi balasha ukusambilila uko mwapokelele. Batalukeni!

Loma 6:17

Akale mwali abasha babubi, kuntu tutondayishe Bashikulu ukuti nomba mulokumfwila nomutima onse ifyachine ifyakupulusha ifyo mwapokelele.

1 Kolinto 10:33

Mulokuchita kubati ifyo nebo nchita. Ndesha ukusekelesha abantu bonse muli fyonse. Nshikofwayapo ukuyiwamisha nenka, kuntu ifiwamisha abantu bonse ukuti bapuluke.

1 Kolinto 14:1

Mweshe ukuba nechitemweko. Elo mufwayishe ifyabupe ifyo Mupashi Wabuta upela, nokuchilapo ichabupe chikushimika amashiwi aku Lesa.

1 Kolinto 14:7

Nangu ifintu babomfya mukwimba bafilisha mumusango umo wine, mba kuti mwayisha shani ukupusana pakati kamutolilo nangula sese.

2 Kolinto 11:6

Nangu tekuti njishibe bwino kubati nimfilya bachita, kuntu temumanopo iyowo. Mfi twalimubweneshe munshila ishinji muli fyonse.

2 Kolinto 12:1

Ningile ukuyitutumuna, nangu nshikononkamo kantu. Nakusosa ifimonwa ifyo Bashikulu banangile nefyo bamfisulwile.

2 Kolinto 12:7

Nomba ukutina ukwebati ningayitutumuna pamulandu wafikulu ifinji ifyo Bashikulu bamfisulwile, nalipelwe ichifinya ukwinekantu mumubili wanji, chali nintumi yakwa Satana ichali kunchusha ukwebati ningayitutumuna ukuchilapo.

Efeso 1:17

Nkolomba kuli Lesa waku Bashikulu Yesu Klistu, Bata wamuchinshi, amupele Umupashi Wabuta uupa umulangwe uwakufisulula Lesa ukuti mumwishibe bwino.

Efeso 3:4

Ulo mukopenda mfi, mwakwishiba ukuti ndomfwikisha ichabumfisolo ichaku Klistu.)

Filipi 3:15

Nomba fwe bonse abafikapo pabumi bwesu ubwakumupashi, tulangulukile mumo. Nomba nga mulapusana mukulanguluka mufintu fimo, Lesa akumufisulwila.

2 Timoti 2:14

Wibukishe abantu mfi fintu nokubachenjesha ukwinekantu ukuti Lesa tafwayapo ukwebati balokukangana pamashiwi bwaka. Tachafwapo iyowo, kuntu chilafulunganya bwaka abo abakoumfwa.

2 Timoti 3:10

Nomba webo walishiba bwino-bwino ukusambisha kwanji, imyendele yanji, amapange yanji, ichichetekelo chanji, ukufuka umutima kwanji, ukutemwa kwanji, ukushipikisha kwanji,

2 Timoti 3:16

Amalembo onse aputwamo na Lesa, nakambi alafwilisha pakusambilisha ichine, ukutalika ifilubo, ukulungamika ifitalungeme nokusambisha abantu ubwikalo bwalungama.

2 Timoti 4:2

ubilishe amashiwi aku Lesa. Ubilishe ulo abantu bayipekenye nolo tabayipekenye ukuyomfwa. Ubatalike, ubachenjeshe, ubakoseleshe nokubasambisha umutima-nteka.

Taitasi 3:8

Amashiwi nga yachine. Nkofwaya ukuti ifintu mfi mushimpe mukufisambisha pakuti bo abachetekela Lesa bayipeleshe ukuchita imilimo iiweme. Fintu mfi fisuma nakambi filafwilisha abantu.

Hebele 13:9

Mwisuminishapo ifisambisho ifipusene-pusene nefilwendo ukumufulunganya. Ichilingile. Uchitukosha imitima bwanshi bwaku Lesa tetufutopo utusosa pafyakulya. Amafunde nga tayaafwilishepo abo abali kuyakonka.

2 Petulo 1:5

Nomba mweshe ukwinekantu ukulundako ubwikalo ubuweme kuchichetekelo chenu, nomulangwe kumano enu ayo.

2 Petulo 3:18

Nomba mukule mubwanshi namukwishiba ifya Bashikulu no Mupulushi wesu Yesu Klistu. Kuli Ye kube ubuleme nomba nomuyayaya. Ameni.

2 Yohane 1:9

Umuntu onse uutekalilila mukusambisha kwaku Klistu, kuntu akolundako, takwatapo Lesa. Lelo uwikalilila mukusambisha nku nakwata bonse babili, Bata no Mwana.