1 Kolinto 14:5 - Chipangano Chabwangu

⁵ Kuti natemwa nga mwe bonse mukososa mundimi ishitayishibikwapo. Nomba kuti natemwa ukuchilapo nga ichabupe chenu kushimika amashiwi aku Lesa. Uusosa amashiwi aku Lesa achilapo uusosa mundimi ishitayishibikwa. Nga chakuti tapapo ungaalula ifyo asosa, kuti akula shani ichilonganino?

1 Kolinto 14:5 ပူးပေါင်းရင်းမြစ်များ

Maliko 16:17

Abachetekela bakwishibikwa nefishibilo mfi: balikutamfya imipashi iibi mwishina lyanji, balikusosa nemilaka iinji,

Loma 14:19

Echo nomba, tuchitepo ifintu ifileta umutende nokukoseleshanya.

1 Kolinto 12:10

Upela umuntu umbi ifiso ifyakuchita ifyafiso ifikulu, umbi naye ukushimika amashiwi aku Lesa. Elo umbi ukupatulula ubupe ubufuma ku Mupashi uuweme nangula uubi, umbi upelwa ukusosa mundimi ishitayishibikwa, nakuli umbi upela ukwalula indimi nshi.

1 Kolinto 13:1

Nangu ningasosa shani mundimi shabantu nangu shabangelo, nomba nga nshikwetepo ukutemwa, ukusosa kwanji kuli bwaka kubati ninyenjele nangu ichingolo ichikolila.

1 Kolinto 13:4

Ukutemwa kuteka umutima nokufuuka. Ukutemwa takukwetepo umufimbila, ukuyitondayisha nangu ukuyitutumuna.

1 Kolinto 14:1

Mweshe ukuba nechitemweko. Elo mufwayishe ifyabupe ifyo Mupashi Wabuta upela, nokuchilapo ichabupe chikushimika amashiwi aku Lesa.

1 Kolinto 14:17

Nangu chibe ati mukototela Lesa mubune, nomba ngulya muntu takosangapo akantu nangu panini.