1 Kolinto 14:4 - Chipangano Chabwangu

⁴ Uusosa mundimi ishitayishibikwapo ayafwilisha enka. Nomba uusosa amashiwi aku Lesa afwilisha ichilonganino.

1 Kolinto 14:4 ပူးပေါင်းရင်းမြစ်များ

Maliko 16:17

Abachetekela bakwishibikwa nefishibilo mfi: balikutamfya imipashi iibi mwishina lyanji, balikusosa nemilaka iinji,

Loma 14:19

Echo nomba, tuchitepo ifintu ifileta umutende nokukoseleshanya.

1 Kolinto 12:10

Upela umuntu umbi ifiso ifyakuchita ifyafiso ifikulu, umbi naye ukushimika amashiwi aku Lesa. Elo umbi ukupatulula ubupe ubufuma ku Mupashi uuweme nangula uubi, umbi upelwa ukusosa mundimi ishitayishibikwa, nakuli umbi upela ukwalula indimi nshi.

1 Kolinto 12:28

Muchilonganino Lesa alibikamo mba: pakwamba abatumwa, muchabubili abasoseshi, muchabutatu abasambishi. Abikilemo abantu abangachita ifyafiso ifikulu, abakwete ifiso ifyakuposha, bambi ifyakwafwilishako, bambi ifyakutungulula, nabambi ifyakusosa mundimi ishapusana-pusana.

1 Kolinto 13:1

Nangu ningasosa shani mundimi shabantu nangu shabangelo, nomba nga nshikwetepo ukutemwa, ukusosa kwanji kuli bwaka kubati ninyenjele nangu ichingolo ichikolila.

1 Kolinto 13:2

Nangu ndi nechabupe ichakusambisha, nangu nalishiba ifyamubumfisolo fyonse, nokumfwikisha fyonse, nangu ningakwata ichichetekelo ichakusesha impili, nomba nga nshikwetepo ukutemwa, tanshipo kantu.

1 Kolinto 14:12

Efyo chili nakuli mwe. Apo muli abakukabila ifyabupe ifyo Mupashi Wabuta upela, mulokwesha ukubomfya ifyabupe mfi mukukosha ichilonganino.

1 Kolinto 14:22

Ukusosa mundimi ishitayishibikwapo chishibilo chabatachetekela. Nomba ubupe bwakubilisha amashiwi aku Lesa, echishibilo chabantu abachetekela tepo abatachetekela.

1 Kolinto 14:26

Findo nakusosa bawesu? Ulo mulongana pamo, umbi ali nolwimbo, umbi neshiwi alefwaya ati asambilishe, umbi ali nakantu kambi ako Lesa amufisulwila, umbi naye akusosa mundimi ishitayishibikwapo, elo umbi naye wakwalula. Nomba fyonse mfi fichitwe mukukoselesha ichilonganino.

1 Kolinto 14:3

Nomba uusosa amashiwi aafuma kuli Lesa, asosa kubantu, elo alabafwilishako, alabakoselesha nokubasangalasha.

1 Kolinto 14:5

Kuti natemwa nga mwe bonse mukososa mundimi ishitayishibikwapo. Nomba kuti natemwa ukuchilapo nga ichabupe chenu kushimika amashiwi aku Lesa. Uusosa amashiwi aku Lesa achilapo uusosa mundimi ishitayishibikwa. Nga chakuti tapapo ungaalula ifyo asosa, kuti akula shani ichilonganino?