1 Kolinto 14:3 - Chipangano Chabwangu

³ Nomba uusosa amashiwi aafuma kuli Lesa, asosa kubantu, elo alabafwilishako, alabakoselesha nokubasangalasha.

1 Kolinto 14:3 ပူးပေါင်းရင်းမြစ်များ

Luka 3:18

Munshila ishinji, Yohane alikubasambisha abantu ulo alikubilisha Ubutumi Ubwawama.

Imilimo ya batumwa 13:15

Ati bapwe ukupenda Amafunde akwa Mosesi nabasoseshi, abakulu bachilonganino basosele kuli bo ati, “Mwe bawesu, kati mulipo namashiwi yakukoselesha abantu, soseni.”

Imilimo ya batumwa 14:22

Balikukoselesha abachetekela ukuti bekalilile muchichetekelo. Balikubasambisha ati, “Tufwile ukupita mumachushi ayenji ukuti twinjile mubufumu bwaku Lesa.”

Imilimo ya batumwa 15:32

Elo Yuda na Sailasi abali abasoseshi, balundilepo ukukoselesha abachetekela namashiwi ayenji, ayakutalalika imitima yabantu.

Imilimo ya batumwa 4:36

Elo kwalipo nomuntu umo uwalikwitwa Yosefe, umwina Lefi, uwafyalilwe muchalo cha Saipulasi, uwo abatumwa balikwita Banabasi, (ilikoyalula “Umuntu Uchinchisha.”)

Imilimo ya batumwa 9:31

Kunshita njilya ifilonganino ifyabena Klistu mumiputulwa yonse iyamu Yudeya, Galili namu Samaliya mwali umutende. Ukupitila mufiso fya Mupashi Wabuta, ifilonganino fyalikosele nempendwa yabantu yalikukula. Bonse balikunakila Bashikulu.

Loma 12:8

Nga bwakukoselesha bambi, katubakoseleshe. Uyo uupela, kalokupela nomutima onse. Uyo ukotungulula atungulule, mwakwipela na uyo uukwatila inkumbu bambi, alokuchita mfi nokutemwa.

Loma 14:19

Echo nomba, tuchitepo ifintu ifileta umutende nokukoseleshanya.

Loma 15:2

Echo tulingile ukusekesha umo nomunakwe mukwafwilishanya ukuti ichichetekelo chikose.

1 Kolinto 10:23

Kuli insosele iyakuti, “Ifintu fyonse fyalisuminishiwa,” nomba te fyonsepo ifiweme. Nakambi, “Ifintu fyonse fyalisuminishiwa,” nomba te fyonsepo ifyafwa.

1 Kolinto 14:12

Efyo chili nakuli mwe. Apo muli abakukabila ifyabupe ifyo Mupashi Wabuta upela, mulokwesha ukubomfya ifyabupe mfi mukukosha ichilonganino.

1 Kolinto 14:17

Nangu chibe ati mukototela Lesa mubune, nomba ngulya muntu takosangapo akantu nangu panini.

1 Kolinto 14:26

Findo nakusosa bawesu? Ulo mulongana pamo, umbi ali nolwimbo, umbi neshiwi alefwaya ati asambilishe, umbi ali nakantu kambi ako Lesa amufisulwila, umbi naye akusosa mundimi ishitayishibikwapo, elo umbi naye wakwalula. Nomba fyonse mfi fichitwe mukukoselesha ichilonganino.

1 Kolinto 14:31

Pakuba bonse mungasosa amashiwi aku Lesa mukulindilana ukwebati bonse basambishe nokukoseleshiwa.

1 Kolinto 8:1

Nomba nkofwaya ukwasuka pamulandu mwanembele wafyakulya bapupilila tungosa wakubasa. Nachine bonse tulikwete amano, nomba amano enka alenga umuntu ukuyitutumuna. Ichitemweko echimaka.

2 Kolinto 1:4

Lesa alatwafwilisha mumachushi onse ukwebati nga mfilya atwafwilisha nafwe twafwilisheko bawesu abali pakati kamachushi ayapusene-pusene.

2 Kolinto 2:7

Nomba chiweme ukuti mwamunakilila nokumukoselesha ukwebati mwimwansha nsoni ukwinekantu nokumulenga ukunenuka.

Efeso 4:29

Mukanwa kenu mwilafumapo amashiwi aali onse aabi, kuntu musose amashiwi aaweme afwilisha ukuti bonse abayomfwa bapindulemo akantu.

Efeso 6:22

Nkomutuma kuli mwe ukuti mwishibe ifyo tuli, nokuti amukoselesheko.

Kolose 4:8

Echo namutumina kuli mwebo ukwisa kumuchinchishako nokumwishibisha ifyo twikele.

1 Tesalonika 2:11

Mulishibile ifyo twalikulama umo na umo kubati niwishi uulama abana bakwe.

1 Tesalonika 2:3

Pakuba ifyo tukomusambisha tafipo mukufwaya ukumubepa nangula ukumulangulukila ifibi nangula ukutachenjeleka umuntu.

1 Tesalonika 3:2

Emulandu wine twatumine Timoti, wesu nakambi umubomfi munesu uubilisha Ubutumi Bwawama ubusosa ifyaku Klistu. Twamutumine ukuti ese mukumukoselesha nokumwafwilishako muchichetekelo chenu.

1 Tesalonika 4:1

Pakulekelesha, mwe bawesu, tukomupapata pali nchi mwasambilile kuli fwebo ifyo muli nokwikala mukusekesha Lesa. Nachine efyo mukochita. Nomba tukomupapata nefiso fyonse muli Bashikulu Yesu Klistu ukuti mulundepo ukuchita mfi.

1 Tesalonika 4:18

Kanshi mukoseleshanye muli nga mashiwi.

2 Tesalonika 3:12

Mwishina lyaku Bashikulu Yesu Klistu twabakonkobesha mba bantu nokubachenjeshako ukuti babe nobumi ubwalungama nokubombesha pakuti bayisangile ifyakulya fyabo.

1 Timoti 1:4

Ubebe ukuti baleke ukukonka utufuto twakale utuleta bwaka ukutalikana nokusunga amashina ayamikowa aatashilapo. Mfi tafitwalapo kubufwayo bwaku Lesa ubukochitika ukupitila muchichetekelo.

1 Timoti 4:13

Ukufikila ulo nakwisa, wipele ukubapendela nga amashiwi, ukushimikila nokusambisha.

1 Timoti 6:2

Abasha abatekwa kubena Klistu, belokubachushapo iyowo pantu niba wabo. Elo bapyunge ukuchilapo kale pakuti bo abakumwenamo nimbalya abachetekela, abatemwekwa kuli bo. Mfi efyo ulingile ukusambisha nokubilisha.

2 Timoti 4:2

ubilishe amashiwi aku Lesa. Ubilishe ulo abantu bayipekenye nolo tabayipekenye ukuyomfwa. Ubatalike, ubachenjeshe, ubakoseleshe nokubasambisha umutima-nteka.

Taitasi 1:9

Ekale uwayikatilila amashiwi aachine ayo twamusambishe. Muli nchi kuti akoselesha nabambi amasambilisho yachine nokushinina bo abakwetepo fitala.

Taitasi 2:15

Mfi efyo ulokusambisha. Ulokubachinchisha abantu nokubakonkobesha nefiso fyonse. Kwibapo umuntu nangu umo ukuti akuloleshe pamutwi.

Taitasi 2:6

Munshila imo yenka, mwebe abalumbwana ukuba abayilama.

Taitasi 2:9

Ubebe abasha nabena ukuti balokumfwila bashikulu babo muli fyonse. Balokupanga ifitala nabo

Hebele 10:25

Twilekapo ukulongana pamo kubati nimfilya ifikochita bambi. Nomba fwebo tulokukoseleshanya pakuti akasuba kaku Bashikulu kakopalamina.

Hebele 13:22

Nkomupapata mwe bawesu, mulokumfwilako amashiwi nga ayakukoselesha pakuti ndilembele mubwipi.

Hebele 3:13

Nomba mulokukoseleshanya inshiku shonse ulo kuli inshita iyo amashiwi aku Lesa asosa ati, “Lelo.” Mulokuchita mfi ukutina ukuti ububi bungachenjeleka uuli onse muli mwebo nokumulenga uwakosa umutima.

1 Petulo 5:12

Nalemba kalata nji iipi mukwafwilishiwa na Siluvanasi, wesu uwachetekelwa. Nkofwaya ukumukoselesha nokupela bukamboni ukwebati mbu ebwanshi bwaku Lesa. Mwimakane ndi mubwanshi mbu.

Yuda 1:20

Nomba mwebo mwe bananji, mutwalilileni ukuyimaka mwenka muchichetekelo chenu ichabuta. Lombeni mufiso ifyaku Mupashi Wabuta.