1 Kolinto 14:16 - Chipangano Chabwangu

¹⁶ Nga mukotota Lesa nomutima wenu wenka, nga umuntu uuli namwe pamo uutayishibapo ifyamumutima wenu, angasosa shani ati, “Ameni” pakulomba kwenu ukwakutotela Lesa ulo ye teshibilepo ifyo mukososa?

1 Kolinto 14:16 ပူးပေါင်းရင်းမြစ်များ

Mateyo 15:36

Abulile imifuba isano na ibili notuswi nokutotela kuli Lesa. Elo asunawile imifuba nokupela abakusambila bakwe ukuti balumbe kubantu. Nabo efyo bachitile.

Mateyo 28:20

Mukabasambishe ukulama fyonse ifyo namukonkobeshe. Nandibo nalikuba namwe inshita shonse ukufikila nakumupwilo wachalo.”

Mateyo 6:13

Mwitulekelesha mukwesheka, kuntu mutupokeko kumubi.’

Maliko 16:20

Nomba abakusambila bakwe balifuminepo nokupalangana, bayile ulo bashimikila konse-konse, na Bashikulu balikupyunga pamo nabo, nokukosha amashiwi abo mufishibilo ifyo balikuchita.]

Yohane 21:25

Nomba ekofili ifintu ifinji ifyo Yesu achitile. Nga chakuti fyonse fyalembelwe chimo-chimo, nkolanguluka ukwebati ichalo nga tekuti chibonepo inchende yakubikapo amabuku aangalembwa.

Yohane 7:15

Elo abakulu ba Bayuda balishimbilwe ukwinekantu. Basosele ati, “Ngoyu muntu uutasambililapo ayishiba shani mfi fyonse?”

Imilimo ya batumwa 4:13

Ulo abachilye babwene ukupama kwakwa Petulo na Yohane, balishimbilwe ukwinekantu. Nakambi baumfwile ukuti mba bali bantu bwaka abatasambililapo ukwinekantu. Penkapo balishibile ukuti basambishi baku Yesu.

1 Kolinto 11:24

Ulo ashilile ukutotela kuli Lesa, aliwusunawile nokusosa ati, “Ngu mubili wanji uwapelwa pamulandu wenu. Mulokuchita mfi pakunjibukisha.”

1 Kolinto 14:14

Pakuti nga nalomba mundimi iitayishibikwapo, mupashi wanji eukolomba, nomba amano anji taanonkapo akantu.

1 Kolinto 14:2

Pakuba umuntu uukososa indimi shitayishibikwapo, tasosapo kubantu iyowo, kuntu kuli Lesa. Pakuba tapapo umuntu uumfwa ifyo akososa. Mupashi Wabuta eumulenga ukusosa ifyamfisolo.

1 Kolinto 16:24

Ukutemwa kwanji kube namwebo bonse muli Klistu Yesu. Ameni.

2 Kolinto 1:20

Elo ifintu fyonse Lesa alayile fyachitikile na “Ina” enka ngu. Echo muli Yesu Klistu tusosa ati, “Ameni,” mukuchinshika Lesa.

Ukufisulula 22:20

Uyo uukopela bukamboni kumashiwi nga akoti, “Ina, nkoyisa bwangu.” Ameni. Iseni Bashikulu Yesu!

Ukufisulula 5:14

Ifyabumi fine fyalyasukile ati, “Ameni.” Penkapo bachilolo balifukeme panshi nokulambila.

Ukufisulula 7:12

ati, “Ameni! Tutondayishe Lesa wesu nokumupela ubuleme, umulangwe, ukutotela, umuchinshi, ifiso namaka umuyayaya. Ameni!”