1 Kolinto 13:8 - Chipangano Chabwangu

⁸ Ukutemwa takushilapo. Ubusoseshi bwakushila, ukusosa indimi ishapusana-pusana kwakushila, elo namano yabantu yakuloba.

1 Kolinto 13:8 ပူးပေါင်းရင်းမြစ်များ

Luka 22:32

Nomba we Simoni nakulombela ukwebati ukuchetekela kobe kwibwelelapo kunuma. Ulo wakubwelela kuli nebo, ulingile ukukosha bawenu.”

Imilimo ya batumwa 13:1

Muchilonganino ichaku Antiyoki mwalipo abasoseshi baku Lesa nabasambishi bambi. Mba niba Banabasi na Simyoni (uwalikwitwa Chifita), Lusiyasi (uwaku Kuleni) Manayeni (uwalelelwe pamo nemfumu Helodi) na Saulo.

Imilimo ya batumwa 19:6

Penkapo Paulo abikilepo amaboko pali bo no Mupashi Wabuta walibawilile. Batatikile nokusosa mundimi shimbi, nokubilisha Amashiwi aku Lesa.

Imilimo ya batumwa 2:4

Elo bonse bayiwile no Mupashi Wabuta. Batatikile nokusosa mundimi ishapusana-pusana kubati ifyo Mupashi afwayile ukuti balokusoselamo.

1 Kolinto 12:10

Upela umuntu umbi ifiso ifyakuchita ifyafiso ifikulu, umbi naye ukushimika amashiwi aku Lesa. Elo umbi ukupatulula ubupe ubufuma ku Mupashi uuweme nangula uubi, umbi upelwa ukusosa mundimi ishitayishibikwa, nakuli umbi upela ukwalula indimi nshi.

1 Kolinto 13:10

nomba ulo ichafikapo chakwisa, ichitafikapo chakuluba.

1 Kolinto 13:13

Pakuba pali ifintu fitatu: ichichetekelo, ukulindilila nechitemweko. Nomba muli mfi, ichikulu ukuchilapo kutemwa.

1 Kolinto 14:39

Echo bawesu, bikeni imitima yenu pakushimika amashiwi aku Lesa. Elo mwikanyapo abantu ukusosa mundimi ishitayishikwapo.

1 Kolinto 8:2

Umuntu uwilanguluka ukuti alishibapo ifintu, ekwebati tafishiba ukufikapo.

Galatiya 5:6

Pakuti ulo tuli muli Klistu Yesu, ukushilimunwa nangu ukutashilimunwa takukwetepo akantu, kuntu ichikulu chakuti umuntu akwate ichichetekelo ichibomba ukupitila mukutemwa.

Hebele 8:13

Pakusosa amashiwi ayakuti, “Ichipangano chabwangu,” Lesa akososa ukwebati ichipangano chakwamba tachikwetepo akantu. Elo ichili chonse ichakota nokonayika, chilaloba.