1 Kolinto 13:7 - Chipangano Chabwangu

⁷ Ukutemwa kulelela fyonse, kulachetekela inshita shonse, kulalindilila, elo kulashipikisha.

1 Kolinto 13:7 ပူးပေါင်းရင်းမြစ်များ

Mateyo 10:22

Abantu bonse bakumupata pamulandu waku nebo. Nomba uwakushipikisha ukufika nakumupwilo ewakupuluka.

Maliko 9:23

Yesu asosele ati, “Chikoyalula ndo icho mukososa ati, kati ukosumina? Ifintu fyonse filachitika kumuntu uwaba nechichetekelo!”

Loma 15:1

Nomba fwebo abakosa muchichetekelo tulingile ukwafwilisha abanaka. Twiisekeshapo fwenka.

Loma 8:24

Pakuti muchichetekelo emo twapulushiwa. Nomba nga twachibona namenso icho tukolindila, mba chindo icho twakulindilila nakambi?

1 Kolinto 13:4

Ukutemwa kuteka umutima nokufuuka. Ukutemwa takukwetepo umufimbila, ukuyitondayisha nangu ukuyitutumuna.

1 Kolinto 9:12

Kati bambi balilingile ukupokelelako mfi, napo fwebo tatwachilapo pali bo? Nomba insambu nshi tatwashibomfeshepo iyowo. Twalishipikishe ukutina ati twinganenusha abantu munshila iili yonse ukuti bapokelele Ubutumi Bwawama ubusosa ifyaku Klistu.

Galatiya 6:2

Afwaneniko ifikomulemena. Nga mwachita mfi ekwebati mukolama ifunde lyaku Klistu.

2 Tesalonika 1:4

Emulandu wine tulayipakisha muli mwebo mufilonganino fyaku Lesa. Tulachita mfi pamulandu wakushipikisha mukuchetekela kwenu namumachushi aakulu onse mukosanga.

2 Timoti 2:24

Umupyungi waku Bashikulu talingilepo ukuba uwalubuli iyowo, kuntu uwamutima uuweme kubantu bonse. Alingile ukuba umuntu uwayishiba bwino ukusambisha nomutima umo.

2 Timoti 3:11

amachushi yanji, amafya yanji, nefintu ifyo ifyanchitikile ku Antiyoki, Ikoniyamu naku Lisitula. Nalichulile ukwinekantu. Nomba Bashikulu balimpulwishe pali fyonse mfi.

2 Timoti 4:5

Nomba webo uyilame inshita shonse. Shipikisha mukuchula. Ulokushimika Ubutumi Bwawama nokupyunga bwino imilimo yobe yonse.

Hebele 13:13

Katiyeni nomba kuli kunse yamushi nokuchulila nakwe pamo.

Yemusi 1:12

Alishuka umuntu uushipikisha panshita ulo eshekwa, pakuti ulo achimfya akupokelela ingala yabumi iyo Lesa alayile ukupela kuli bo abamutemwa.

1 Petulo 2:24

Klistu umwine apitile ifibi fyesu mumubili wakwe pamutashi, ukwebati kububi tube abafwa, kuntu pakukonka mubike umutima onse mukuchita ifilungeme. Mwaposhiwe kufibenga fyaku Klistu.

1 Petulo 4:8

Ichachilapo chakuti mulokutemwana ukufikapo pakuba ukutemwa kulafimba amabifyo ayenji.