1 Kolinto 13:4 - Chipangano Chabwangu

⁴ Ukutemwa kuteka umutima nokufuuka. Ukutemwa takukwetepo umufimbila, ukuyitondayisha nangu ukuyitutumuna.

1 Kolinto 13:4 ပူးပေါင်းရင်းမြစ်များ

Mateyo 27:18

Pakuti Pilato alishibile ukuti nipamulandu wamufimbila batwalile Yesu kuli ye.

Imilimo ya batumwa 7:9

“Elo abana bakwa Yakobe bakwete umufimbila pali Yosefe wabo, bamushitishe ubusha mu Ijipiti, kuntu Lesa alinakwe.

Loma 1:29

Imitima yabo yayiwilemo ubusali bonse: ububi, bukabundulu, imibele iibi, mufimbila, bukepaya, ulubo, ubuchenjeshi nolupato. Balamba,

Loma 13:13

Tulokwenda nga bantu abali mukasuba. Kwibapo bukabundulu nangu buchakolwa, ubulale-lale nangu bumbifi, ulubuli nangu umufimbila.

1 Kolinto 3:3

Muchili abantu bwaka. Pali mwe pachili umufimbila nefitala. Napo mfi tafikomushininapo ukwebati muchili abantunse? Napo tamukoyikalapo nga bantu bapanonshi

1 Kolinto 4:18

Bambi bakoitutumuna ukubati nshakesepo kuli mwebo.

1 Kolinto 4:6

Mwe bawesu, mfi ifyo nkososa fyaku nebo na Apolosi. Nkofwaya ukwebati mfi fimusambishe amashiwi ngalya akososa ati, “Mulokuchishapo ifyo Amalembo akososa.” Echo muyitutumwina pali umbi nokusula munakwe.

1 Kolinto 5:2

Nga kuti mwayitutumuna shani? Mulingile ukumfwa insoni mwebene nokutamfya pakati kenu uukochita mfi.

1 Kolinto 8:1

Nomba nkofwaya ukwasuka pamulandu mwanembele wafyakulya bapupilila tungosa wakubasa. Nachine bonse tulikwete amano, nomba amano enka alenga umuntu ukuyitutumuna. Ichitemweko echimaka.

2 Kolinto 12:20

Nkotina ukwebati nga nayisa kuli mwe, nalimo kuti namusanga abapusene namulya ningafwayila. Nkotina ukuti nalimo namwe mungansanga abapusene namo mungafwayila. Nkotina ukuti nalimo nakumusanga mukotosha, mukofimbila, mukonyeka imitima, kuyitemwa, ukutuka insele, ukwefya, ukuyitutumuna, elo nechimfulunganya.

2 Kolinto 6:6

Nakambi tulayilanga ukuti tuli bapyungi baku Lesa mukuba abapatulika, mukwishiba ifintu ukufikapo, mukushipikisha, munkumbu, mu Mupashi Wabuta namukutemwa ukufikapo.

Galatiya 5:26

Tatulingilepo ukuyikusha, nangula ukukalifyanya, nangula ukuba nomufimbila.

Efeso 4:2

Mulokuba abaichefya, abankumbu nakambi abashipikisha inshita shonse. Munakililane mukutemwa.

Efeso 4:32

Munakililane nokubelana inkumbu kubati nimfilya Lesa amunakilile namwe muli Klistu.

Filipi 1:15

Chachine, bambi babilisha ifyaku Klistu mubufuba namukutalikishanya. Nomba eko bali bambi abakobilisha nomutima wakwebesha.

Kolose 1:11

Tulelomba ukuti Lesa amukoshe ndi mufiso fyakwe ifyabuleme, ukuti mulokuba abakushipikisha, abakuteka imitima mufintu fyonse.

Kolose 2:18

Mwilekapo umuntu nangu umo amubepe pamulandu wakwichefya bufi-bufi nokulomba abangelo. Abantu bamusango ngu balayilumbanya pamulandu wafibonwa ifyo babona. Nchi chenka kuyitumpika bwaka pantu amalangulushi abo abukayitemwe.

Kolose 3:12

Mwebo muli bantu baku Lesa abo atemenwe nokumusala ukuti mube abakwe. Nomba mube nenkumbu ishachine, ichikuku nobufuke, umutembo nokuteka umutima.

1 Tesalonika 5:14

Mwe bawesu, tukomupapata ukuti muchenjeshe abanang’ani, mukoseleshe abena Klistu abakutintilila, mwafwilisheko abanaka. Mulokuteka umutima kubantu bonse.

1 Timoti 6:4

Umuntu uwamfi teshibilepo akantu, kuntu umutima ufwaya bwaka ifyakutalikishanya pafintu ifyabwaka. Mfi fyonse fileta bwaka akalumwa ifitala, umusalula, ukulangulukila ifibi pabantu,

2 Timoti 2:25

Uwafuka pakulungika abakomutalika. Nalimo Lesa kuti abapela inshita yakuti balapile nokwishiba chine.

2 Timoti 3:10

Nomba webo walishiba bwino-bwino ukusambisha kwanji, imyendele yanji, amapange yanji, ichichetekelo chanji, ukufuka umutima kwanji, ukutemwa kwanji, ukushipikisha kwanji,

2 Timoti 4:2

ubilishe amashiwi aku Lesa. Ubilishe ulo abantu bayipekenye nolo tabayipekenye ukuyomfwa. Ubatalike, ubachenjeshe, ubakoseleshe nokubasambisha umutima-nteka.

Taitasi 3:3

Pakuti nafwebo akale twali abapuneme, abatomfwapo nakambi abaluba. Twali abasha kulunkumbwa ulubi ululi lonse. Twalikwikala mububi nakambi twali abamufimbila. Abantu balikutupata, elo nafwebo twali kubapata.

Yemusi 4:5

Napo mukolanguluka ukwebati Amalembo asosa ifyabwaka ulo ati, “Lesa afwayisha nobufuba umupashi uwo abikile ukuti wikale muli fwebo?”

1 Petulo 2:1

Echo posenipo ububi bonse, ubuchenjeshi bonse, bumbi-munda, mufimbila, nolwambo ululi lonse.

1 Petulo 3:8

Pakulekelesha nkoti beni abamutima umo, abomfwilana ubulanda. Temwanenipo nabawenu. Mube abamutima wankumbu nabayichefya.

1 Petulo 4:8

Ichachilapo chakuti mulokutemwana ukufikapo pakuba ukutemwa kulafimba amabifyo ayenji.

2 Petulo 1:7

Kukulomba mulundeko inkumbu ishabwanankashi. Elo pankumbu nshi, lundenipo ichitemweko.

1 Yohane 4:11

Mwe batemwekwa, nga Lesa atutemenwe mfi tufwile ukutemwana.