1 Kolinto 13:3 - Chipangano Chabwangu

³ Nangu ningapela abachula ububoni bwanji bonse, nangu ukupela umubili ukuti bawoche, nga nshikwetepo ukutemwa, tapapo akanji.

1 Kolinto 13:3 ပူးပေါင်းရင်းမြစ်များ

Mateyo 23:5

Balabomba imilimo yabo yonse ukuti babonwe kubantu. Balayibwenesha ulo bakusha apalembwa Amalembo aku Lesa awo bafwala pampumi napamaboko yabo. Elo balakusha insenkebele kuminjila yabo.

Luka 18:22

Ulo Yesu aumfwile mfi, asosele kuli ye ati, “Eko chili ichintu chimo ichikofwayikwa ukuti uchite. Koya ukashitishe ifintu fyonse ifyo wakwata. Indalama wakusangamo, ukashipele kubachula, elo wakwisa kuba nobuboni kumulu. Epo wakwisa kunkonka.”

Luka 18:28

Elo Petulo asosele ati, “Boneni! Fwebo twalisha imishi yesu nokumukonka.”

Luka 19:8

Naye Sakeyo alimine nokusosa kuli Bashikulu ati, “Umfweni, mwe Mfumu! Nakupela ichipande chabuboni bwanji. Fimbi mpeleko abachula, nakambi kati nalichenjelekapo umuntu uuli onse, nakumubweseshapo ukuchila imiku ine.”

Yohane 12:43

Batemenwe ukuchinshikwa nabantu ukuchila ukuchinshikwa na Lesa.

Yohane 13:37

Elo Petulo alimufumbile ati, “Bashikulu, mba nindo ntangamukonkelapo nomba? Nebo ndiyiteyenye ukufwila mwebo!”

Yohane 15:13

Takupo muntu uukwete ukutemwa ukukulu ukuchila nku ukwakuti umuntu engafwila ifibusa fyakwe.

Yohane 6:63

Umupashi Wabuta eupela ubumi butashila. Umuntu tekuti abe nobumi ubu umwine enka. Amashiwi aya ayo nkomweba eyaleta Umupashi waku Lesa uupela ubumi.

Imilimo ya batumwa 21:13

Nomba Paulo ayasukile ati, “Chindo mukochita mwebo pakuyilishanya mfi nokutomposha umutima wanji? Nebo ndiyipekenye kale, tekukakwapo kwenka mu Yelusalemu iyowo, kuntu nokufwa pamulandu waku Bashikulu Yesu.”

Galatiya 5:26

Tatulingilepo ukuyikusha, nangula ukukalifyanya, nangula ukuba nomufimbila.

Filipi 2:3

Mwilokuchitapo chintu nomutima uwakuyitemwa nangu uwakuyitutumuna iyowo. Beni abakuyichefya kuli umo nomunakwe. Elo uuli onse abone abanakwe nga abamuchilile.

1 Timoti 4:8

Pantu ukuchinchila kulakoshako umubili panini, kuntu ubumi ubwakuchinshika Lesa bulafwilisha munshila shonse pakuti bulashininkisha ukushuka kwashino nshiku, elo nakunshita ikoyisa.

Hebele 13:9

Mwisuminishapo ifisambisho ifipusene-pusene nefilwendo ukumufulunganya. Ichilingile. Uchitukosha imitima bwanshi bwaku Lesa tetufutopo utusosa pafyakulya. Amafunde nga tayaafwilishepo abo abali kuyakonka.