1 Kolinto 13:13 - Chipangano Chabwangu

¹³ Pakuba pali ifintu fitatu: ichichetekelo, ukulindilila nechitemweko. Nomba muli mfi, ichikulu ukuchilapo kutemwa.

1 Kolinto 13:13 ပူးပေါင်းရင်းမြစ်များ

Luka 10:27

Amwasukile ati, “‘Ulokutemwa Bashikulu Lesa obe nomutima obe onse, nobumi bobe bonse, nefiso fyobe fyonse, namano obe onse.’ Nakambi, ‘Ulokutemwa umunobe kubati nimfilya wayitemwa wemwine.’”

Luka 22:32

Nomba we Simoni nakulombela ukwebati ukuchetekela kobe kwibwelelapo kunuma. Ulo wakubwelela kuli nebo, ulingile ukukosha bawenu.”

Loma 15:13

Echo Lesa uupela ukulindila kwabumi butapwa ewishe imitima yenu nokutemwa, umutende ukupitila mukuchetekela. Ifiso ifya Mupashi Wabuta fikulishe ukulindila nku.

1 Kolinto 14:1

Mweshe ukuba nechitemweko. Elo mufwayishe ifyabupe ifyo Mupashi Wabuta upela, nokuchilapo ichabupe chikushimika amashiwi aku Lesa.

1 Kolinto 16:14

Fyonse ifyo mukochita, mulokufichitila mukutemwa.

1 Kolinto 3:14

Kati ifyo umuntu ayimakile pamufula atafipilepo kumulilo, uwakwimaka ngulya akupokelela amalipilo.

1 Kolinto 8:1

Nomba nkofwaya ukwasuka pamulandu mwanembele wafyakulya bapupilila tungosa wakubasa. Nachine bonse tulikwete amano, nomba amano enka alenga umuntu ukuyitutumuna. Ichitemweko echimaka.

1 Kolinto 8:3

Nomba umuntu uwatemwa Lesa, alishibwa na Lesa.

2 Kolinto 5:10

Pakuba fwe bonse twakuya kubonekela pachinso chaku Klistu ukuti akatupingule. Kwenka nkulya uuli onse akupokelela ifimulingile, ukulingana nefyo achitile panonshi, ifiweme nangula ifibipile.

2 Kolinto 5:15

Afwilile abantu bonse ukwebati abali nobumi beyisekesha abene benka, sembi basekeshe Ye uwabafwilile, elo uwabukile kubafwa pamulandu wabo.

Galatiya 5:6

Pakuti ulo tuli muli Klistu Yesu, ukushilimunwa nangu ukutashilimunwa takukwetepo akantu, kuntu ichikulu chakuti umuntu akwate ichichetekelo ichibomba ukupitila mukutemwa.

Filipi 1:9

Nkolomba ukwebati ukutemwana kwenu kulokukulilako bonse ukuchila, mukwishiba elo namukumfwisha ifintu ukufikapo.

Kolose 1:27

Pantu Lesa atemenwe ukuti abenafyalo bonse beshibe ichamfiso ichiweme ukwinekantu ichabuboni ubwabuleme bwakwe. Ichamfiso nchi ningu Klistu uuli muli mwebo, nakambi eumupela ukulindilila kwakupokela ubuleme.

Kolose 1:5

Echo icho mukolindilila, Lesa alimubikila bwino-bwino mumulu. Mfi mwalifyumfwa ulo amashiwi achine aya Butumi Bwawama ayishile kuli mwebo pakwamba.

Kolose 3:14

Pali mfi fyonse, mube nokutemwa pantu ukutemwa ekukumbinkanya fyonse pamo muchine.

1 Tesalonika 1:3

Pakuti tulamwibukisha kuli Lesa Bata ifyo mulanga ichichetekelo icho mwakwata mumilimo yenu. Tukoyibukisha ifyo ukutemwa kwenu kwalangile ukuti mulabomba, elo mulashipikisha ulo mulindila Bashikulu wesu Yesu Klistu.

1 Tesalonika 5:8

Apo tuli bamukasuba, tufwile ukuyipekanya. Tufwale ichichetekelo nechitemweko nge chichingililo pachifuba. Nechisoti chesu chibe ukulolela kwesu ukuti tukapuluke.

1 Timoti 1:5

Icho nebo nkolanguluka chakuti nkusambishe ube nokutemwa ukukofuma mumutima wabuta, ukuba namalangulushi aaweme nechichetekelo ichinenene.

2 Timoti 1:7

Pakuti Lesa tatupelepo Umupashi wamwenso iyowo, kuntu uutupela ifiso, ukutemwa nokwikanya.

Hebele 10:35

Echo mwiposapo ukushipa kwenu pakuti kwakumuletela ichabupe ichikulu.

Hebele 10:39

Fwebo tatuli abantu ababwelela panuma nokonaulwa, kuntu fwebo tuli abantu abachetekela abakupuluka.

Hebele 6:11

Tukofwayisha ukuti uuli onse muli mwebo apitilile ukubonekesha ukuchinchila nku ukushinta nakumupwilo, ukuti fikachitike ifyo mukolindila.

Hebele 6:19

Tulikwete ukulindila nku ukwambula ukutenkana nga chishintililo chabumi bwesu. Kulachingilila nakambi kwachine. Elo kulatufisha kumulu kuli Lesa ukupitila muchishintililo nokwinjila kunanda yaku Lesa Muchifulo Ichabutisha mukati.

1 Petulo 1:21

Ukupitila muli Ye mukochetekela muli Lesa uwamubushishe kubafwa nokumupela umuchinshi. Echo mukochetekela nokulindilila muli Lesa.

1 Yohane 2:10

Uyo watemwa wakwe ayikala mulubuto, elo tapapo nangu chimo muli ye chakumunenusha.

1 Yohane 2:14

Nkolembela mwe bana banji, pantu mwalishiba Bata. Nkolembela mwe bashifwe, pantu muli mwishibile uyo uwabako ukufuma kukutatika. Nkolembela mwe balumbwana, pantu muli nefiso. Ishiwi lyaku Lesa likala muli mwebo, mwamuchimfya Umubi ngulya.

1 Yohane 2:24

Nomba mwebo musunge fyonse mwaumfwile ukufuma pakutatika. Nga mfi fyayikalilila muli mwebo, ekwebati mwayikalilila muli Bata namu Mwana.

1 Yohane 3:3

Umuntu onse uukwete ukulola nku ayiwamya umwine nga mfilya Klistu aba uuweme.

1 Yohane 3:9

Umuntu onse uwaba umwana waku Lesa, tatwalililapo ukubifya pantu imibele yaku Lesa yaba muli ye. Pakuti Lesa ewishi, tekuti atwalililepo ukubifya.