1 Kolinto 13:1 - Chipangano Chabwangu

¹ Nangu ningasosa shani mundimi shabantu nangu shabangelo, nomba nga nshikwetepo ukutemwa, ukusosa kwanji kuli bwaka kubati ninyenjele nangu ichingolo ichikolila.

1 Kolinto 13:1 ပူးပေါင်းရင်းမြစ်များ

Mateyo 25:45

Naye akubasuka ati, ‘Nachine nkomweba ati, lonse ulo mutalikwafwilishako nangu mba abali kubulilwa, nachine ninebo mutalikwafwilishako.’

Maliko 16:17

Abachetekela bakwishibikwa nefishibilo mfi: balikutamfya imipashi iibi mwishina lyanji, balikusosa nemilaka iinji,

Loma 14:15

Nga icho uulya tachisekeshapo wenu, ekwebati taukotungululwapo nechitemweko. Wileka ichakulya icho ulya chonaule wenu uyo Klistu afwilile!

1 Kolinto 12:10

Upela umuntu umbi ifiso ifyakuchita ifyafiso ifikulu, umbi naye ukushimika amashiwi aku Lesa. Elo umbi ukupatulula ubupe ubufuma ku Mupashi uuweme nangula uubi, umbi upelwa ukusosa mundimi ishitayishibikwa, nakuli umbi upela ukwalula indimi nshi.

1 Kolinto 12:16

Ukutwi nako akwaeba ati, “Nebo nshilipo ilinso, echo tenepo ichilewa chamubili,” napo ukutwi takulipo ichilewa chamubili pamulandu ngu?

1 Kolinto 12:8

Umupashi Wabuta ngu upela umuntu umbi amano ayakusosa ifyamulangwe, umbi naye Umupashi umo wenka upela ubupe ubwakusosa namano.

1 Kolinto 13:8

Ukutemwa takushilapo. Ubusoseshi bwakushila, ukusosa indimi ishapusana-pusana kwakushila, elo namano yabantu yakuloba.

1 Kolinto 14:2

Pakuba umuntu uukososa indimi shitayishibikwapo, tasosapo kubantu iyowo, kuntu kuli Lesa. Pakuba tapapo umuntu uumfwa ifyo akososa. Mupashi Wabuta eumulenga ukusosa ifyamfisolo.

1 Kolinto 14:4

Uusosa mundimi ishitayishibikwapo ayafwilisha enka. Nomba uusosa amashiwi aku Lesa afwilisha ichilonganino.

1 Kolinto 14:5

Kuti natemwa nga mwe bonse mukososa mundimi ishitayishibikwapo. Nomba kuti natemwa ukuchilapo nga ichabupe chenu kushimika amashiwi aku Lesa. Uusosa amashiwi aku Lesa achilapo uusosa mundimi ishitayishibikwa. Nga chakuti tapapo ungaalula ifyo asosa, kuti akula shani ichilonganino?

1 Kolinto 8:1

Nomba nkofwaya ukwasuka pamulandu mwanembele wafyakulya bapupilila tungosa wakubasa. Nachine bonse tulikwete amano, nomba amano enka alenga umuntu ukuyitutumuna. Ichitemweko echimaka.

2 Kolinto 12:4

Nkulya alibwene ifintu ifyo umuntu tangasosapo.

Galatiya 5:22

Nomba ifitwalo fya Mupashi Wabuta nimfi: ukutemwa, ukusekelela, umutende, ukushipikisha, inkumbu, ukuwama umutima, kuchetekela,

Galatiya 5:6

Pakuti ulo tuli muli Klistu Yesu, ukushilimunwa nangu ukutashilimunwa takukwetepo akantu, kuntu ichikulu chakuti umuntu akwate ichichetekelo ichibomba ukupitila mukutemwa.

1 Timoti 1:5

Icho nebo nkolanguluka chakuti nkusambishe ube nokutemwa ukukofuma mumutima wabuta, ukuba namalangulushi aaweme nechichetekelo ichinenene.

1 Petulo 4:8

Ichachilapo chakuti mulokutemwana ukufikapo pakuba ukutemwa kulafimba amabifyo ayenji.

2 Petulo 2:18

Mba bantu basosa amashiwi ayakuyitutumuna yapuneme aatakwetepo nakantu. Elo mukufunga ifibi ifyabuntunse, balachenjeleka abantu abapulwike bwangu pabanabo abekala mufibi.

Ukufisulula 14:2

Elo nalyumfwile ishiwi ilyali kubuluma ukufuma kumulu kubati menshi ayenji, nangula ukubuluma kwatupato. Ishiwi ndi lyalikumfwika kubati kulila kwamasase.