1 Kolinto 12:9 - Chipangano Chabwangu

⁹ Umbi naye Umupashi umo wenka upela ichichetekelo, Umupashi umo wenka upela umuntu umbi ifiso ifyakuposha.

1 Kolinto 12:9 ပူးပေါင်းရင်းမြစ်များ

Mateyo 10:8

Muye mukuposha abalwele, ukubusha abafwa, ukuposha abafyona nokufumya imipashi iibi. Mwapokela bwaka, namwebo mukapele bwaka.

Mateyo 21:21

Elo Yesu abasukile ati, “Nachine nkomweba ati, kati mukochetekela nokutakayikapo, tamwakachite bwaka nchi chachitika kumukunyu ngu iyowo, kuntu mungasosa nakulupili ndu mwati, ‘Fuma mpa, uye uyipose muli bemba,’ nacho chakuchitika.

Maliko 16:18

balikwikata nensoka, nakambi nga banwa umuli ubulembe tabwalokubachitapo nangu chimo iyowo. Bakubika amaboko pabalwele, nabo bakupola.”

Maliko 6:13

Balikutamfya mipashi iibi mubantu, nabalwele abenji balibasubile amafuta nokubaposha.

Luka 10:9

Posheni abalwele abali muli uyo musumba. Elo soseni kuli bo ati, ‘Ubufumu bwaku Lesa buli apepi namwe.’

Luka 9:2

Elo abatumine mukubilisha ubufumu bwaku Lesa nokuposha abalwele.

Imilimo ya batumwa 10:38

Mwalishiba nefyaku Yesu waku Nasaleti, ifyo Lesa amusubile no Mupashi Wabuta nokumupela fiso. Pakuti Lesa ali naye aendele konse-konse, alikuchita imilimo iiweme nokuposha bonse abali kuchunshiwa kuli Satana.

Imilimo ya batumwa 5:15

Pakubona mfilya, abantu balikuleta abalwele abenji nokubalalika pamalili napampasa mumbali yamusebo ukuti ulo Petulo alikupita, ichinshingwa chakwe chibakumye.

1 Kolinto 12:28

Muchilonganino Lesa alibikamo mba: pakwamba abatumwa, muchabubili abasoseshi, muchabutatu abasambishi. Abikilemo abantu abangachita ifyafiso ifikulu, abakwete ifiso ifyakuposha, bambi ifyakwafwilishako, bambi ifyakutungulula, nabambi ifyakusosa mundimi ishapusana-pusana.

1 Kolinto 12:30

Napo bonse bali nechabupe ichakuposha? Napo bonse bengasosa mundimi ishapusana-pusana? Napo bonse kuti bashalula?

1 Kolinto 13:2

Nangu ndi nechabupe ichakusambisha, nangu nalishiba ifyamubumfisolo fyonse, nokumfwikisha fyonse, nangu ningakwata ichichetekelo ichakusesha impili, nomba nga nshikwetepo ukutemwa, tanshipo kantu.

2 Kolinto 4:13

Amalembo asosa ati, “Nalichetekele, echo nalisosele.” Pakuti nafwe twalichetekela, echo tulasosa.

Efeso 2:8

Pakuba mwalipuluka pamulandu wabwanshi bwaku Lesa pakuchetekela. Tamwapulushiwe pamulandu wafyo mwachitile iyowo, kuntu bupe bwaku Lesa.

Hebele 11:33

Nechichetekelo chabo, abantu mba balichimfishe ifyalo fyonse, nokuchita ubulungami. Elo balipokelele ifyo Lesa abalayile. Bayisele imilomo yankalamo.