1 Kolinto 12:3 - Chipangano Chabwangu

³ Echo umuntu onse uukotungululwa no Mupashi Wabuta tangasosapo ati, “Yesu alapishiwe.” Elo tapapo uungasosa ati, “Yesu ni Shikulu,” uutatungululwapo no Mupashi Wabuta.

1 Kolinto 12:3 ပူးပေါင်းရင်းမြစ်များ

Mateyo 22:43

Elo abebele ati, “Mulandu ndo Davide ulo asanikilwe no Mupashi waku Lesa asosele ati, ‘Ni Mfumu?’ Pakuti asosele ati,

Maliko 9:39

Yesu asosele kuli bo ati, “Mwimukanyapo, pakuti takwaba nangu umo uuchita ifyafiso ifikulu mwishina lyanji nakambi ese mukusosa ifyabipa pali nebo.

Yohane 13:13

Mwebo mukonjita ati, ‘Musambishi’ nakambi ati, ‘Bashikulu.’ Nachine mukolungika pakuti efyo naba.

Yohane 13:14

Nomba mwabona nebo Shikulunwe no Musambishi wenu, nasamba amakasa enu. Namwe kumo sambanenipo amakasa yenu.

Yohane 15:26

“Kafwa akwisa, e Mupashi Wabuta, uwo nakutuma kuli mwe ukufuma kuli Bata. Ewakuba mwanamboni wanji.

Imilimo ya batumwa 8:37

Filipo ayasukile ati, “Kati mwachetekela nomutima wenu onse mwakubatishiwa.” Umuntu ngulya asosele ati, “Ina, nachetekela ukuti Yesu Klistu e Mwana waku Lesa.”]

Loma 10:9

Nga waebelela nakanwa kobe ati Yesu Eshikulu obe, elo nokuchetekela nomutima obe onse ukuti Lesa alimubusha kubafwa, ukapuluka.

Loma 9:3

Ukuba nga chali ichiweme ichakuti nebo bandapisha bwaka kuli Lesa ukuti nimba uwaku Klistu muchifulo ichabamukowa wanji.

1 Kolinto 16:22

Kati palipo umuntu uutatemwapo Bashikulu, alapishiwe. Maranatha! Bashikulu wesu, iseni!

1 Kolinto 8:6

Nomba fwebo tulikwete Lesa umo epela. Shifwe uwapangile ifintu fyonse. Muli Ye emo tukwatilemo ubumi. Tuli na Bashikulu bamo benka, Yesu Klistu. Lesa alengele fyonse ukupitila muli Ye. Elo nafwe tuli obomi pamulandu wakwe.

2 Kolinto 11:4

Nga umbi ayisa kubilisha Yesu umbi uwapusana nangulya twabilishe, mwebo mulakonka. Elo mulapokelela umupashi nobutumi bumbi ubwapusana no Mupashi Wabuta no Butumi Bwawama ubo mwapokelele kuli fwe!

2 Kolinto 3:5

Pakuba muli fwebo fwenka tekuti tuchitepo umulimo uwa mfi. Ifiso fyesu fifuma kuli Lesa.

Galatiya 3:13

Klistu alitupulusha ukuti twitipwapo na Mafunde ulo ayishile kutipwa muchifulo chesu. Chaba kubati nimfilya Amalembo asosa ati, “Alilapishiwa onse uusamikwa pachiti.”

Ukufisulula 1:10

Pakasuba kaku Bashikulu, Mupashi Wabuta walifikile pali nebo, elo naumfwile ishiwi ilikulu kunuma yanji kubati kulila kwandibu.