1 Kolinto 12:2 - Chipangano Chabwangu

² Mwalishiba ati ulo tamulachetekela, mwalikulufyanishiwa munshila shapusana-pusana ukuti mulokulomba tungosa wakubasa ututasosapo.

1 Kolinto 12:2 ပူးပေါင်းရင်းမြစ်များ

Mateyo 15:14

Balekeni bwaka, nimpofu ishitanjilila impofu shinabo. Kati impofu ikotanjilila impofu inakwe, shonse shibili shingawila muchilindi.”

1 Kolinto 6:11

Bambi muli mwe efyo bali kale. Nomba mwalisambwa kububi nokuba abana baku Lesa. Lesa alimulungamika ukupitila mwishina lyaku Bashikulu Yesu Klistu no Mupashi waku Lesa.

Galatiya 4:8

Kale tamwaishibilepo Lesa iyowo. Echo mwalifye abasha batungosa wakubasa ututapo tulesa twinenene.

1 Tesalonika 1:9

Bonse mbalya bantu basosa pafyo mwatupokelele bwino ulo twamutandalile napafyo mwayalukile ukulomba tungosa wakubasa nokutatika ukulomba Lesa wachine umumi.

Taitasi 3:3

Pakuti nafwebo akale twali abapuneme, abatomfwapo nakambi abaluba. Twali abasha kulunkumbwa ulubi ululi lonse. Twalikwikala mububi nakambi twali abamufimbila. Abantu balikutupata, elo nafwebo twali kubapata.

1 Petulo 1:18

Mulishibile bwino icho amupulwishisheko kubwikashi bwenu ubo mwasambilile kufikolwe fyenu. Taamupulwishisheko kufintu ifyonayika kubati silubale na golide iyowo.

1 Petulo 4:3

Pakuba akale mwaposele inshita mukwikala mumichitile iyo abatachetekela Lesa bafwaya ukuchita. Mwalikwenda mubusali, mulunkumbwa ulubi, mubuchakolwa, mubukabundulu, mufitala fyapabwalwa nokulomba tungosa wakubasa utwamuselu.