1 Kolinto 12:12 - Chipangano Chabwangu

¹² Klistu aba kubati mubili umo uwaba nefilewa ifinji. Nangu ifilewa fibe ifinji, kuntu umubili waba umo enka epela.

1 Kolinto 12:12 ပူးပေါင်းရင်းမြစ်များ

1 Kolinto 10:17

Pakuba umufuba umo bwaka. Nangu fwebo tuli abenji, twaba umubili umo pantu tulya kumufuba umo.

1 Kolinto 12:20

Kanshi ifilewa fyaba ifinji, nomba umubili umo bwaka.

1 Kolinto 12:27

Echo mwebo bonse muli umubili waku Yesu. Elo bonse muli ifilewa fyamubili waku Ye.

1 Kolinto 12:7

Umupashi Wabuta upela chila muntu ichabupe ichakuti abomfye mukubomba inchito yakuwamina bonse.

Galatiya 3:16

Nomba Lesa apele ubulayo bwakwe kuli Abulahamu nakumbuto yakwe. Tasoselepo ati, “Nakumbuto shakwe” kubati benji iyowo. Kuntu asosele ati, “Kumbuto yakwe” pakuti alikusosa pamuntu umo bwaka. Ngu ni Klistu.

Efeso 1:23

Ichilonganino emubili waku Klistu, elo chayiula na Yesu uyo uwayiusha ifintu fyonse.

Efeso 4:12

Achitile mfi ukuti apekanishishe kabela abantu baku Lesa ukuti babombe umulimo nokwimaka ichilonganino icho ichili mubili waku Klistu.

Efeso 4:4

Pakuba kwaba umubili umo, no Mupashi Wabuta umo, ukubati nimfilya kwaba ukulindilila kumo uko Lesa atwitile.

Efeso 5:23

Pakuti umwalalume emutwi wamukashi wakwe nga mfilya Klistu emutwi wachilonganino, umubili wakwe, elo Emupulushi wachiko.

Efeso 5:30

Pakuba fwebo tuli ifilewa fyamubili wakwe.)

Kolose 1:18

Emutwi wamubili wakwe, emukuti ichilonganino. Ewakwamba ukubuka kubafwa ukuti muli fyonse abe uwapamulu.

Kolose 1:24

Nomba ndibwaka uwasekelela pakuti nachulila mwebo, pantu mukuchula kwanji, emo nkoshilishisha amachushi aasheleko aali kubati aku Klistu, ayo achulile umubili wakwe, ekwebati ichilonganino.

Kolose 2:19

Elo balifumako kuli Klistu umutwi wachilonganino. Muli Klistu umubili onse ulapokela ifiso nokwikatana kwafilundwa fyonse. Echo umubili ulakula nga umo Lesa afwayila.

Kolose 3:15

Umutende uwo Klistu apela ewo ulokuba kampingu wamitima yenu, pantu kuli ngu mutende wenka eko Lesa amwitila ukuba pamo mumubili umo. Elo mube nemitima iyakutotela Lesa.