1 Kolinto 12:11 - Chipangano Chabwangu

¹¹ Fyonse mfi Mupashi Wabuta ewubomba mubantu. Alaakanya chila muntu umo umwine afwayila.

1 Kolinto 12:11 ပူးပေါင်းရင်းမြစ်များ

Mateyo 11:26

Ina, Bata nchi echo mwatemenwe ukuti chichitikwe mukufwaya kwenu.

Mateyo 20:15

Napo tekuti nchitepo ifyo nkofwaya pandalama shanji? Napo wafitwa pamulandu wakupela kwanji?’”

Yohane 3:27

Yohane alyasukile ati, “Takupo umuntu uwingakwatapo akantu, sembi Lesa amupela.

Yohane 3:8

Chili munshila imo yenka kuli bo abakofyalwa ku Mupashi Wabuta.” Umwela ulapupa nokuya uko ufwaya. Mwebo mulomfwa ichiunda chauko bwaka, kuntu tamwishibapo uko ufuma noko uya.

Yohane 5:21

Ukubati nimulya umo Bawishi babushisha abafwa nokubapela ubumi, munshila imo yenka Umwana naye akopela ubumi kubantu abo akofwaya.

Loma 12:6

Elo tulingile ukubomfya ifyabupe ifipusene-pusene ifyo Lesa apela mubwanshi bwakwe. Nga ubupe bwesu bwakushimika, tububomfye ukulingana nechichetekelo chesu.

Loma 9:18

Epo nomba, Lesa alakwatila ichisa pali uyo afwaya, nakambi alakosha imitima yabantu abo afwaya ukuti babe mfilya.”

1 Kolinto 12:18

Echo kanshi Lesa abikile ifilewa fyonse pachifulo chachiko mumubili ukulinga nokutemwa kwakwe.

1 Kolinto 12:4

Pali ifyabupe ifyapusana-pusana, nomba uufipela Mupashi Wabuta umo enka.

1 Kolinto 12:6

Pali ifiso ifyapusana-pusana, nomba Lesa umo enka uubomfya ifiso mfi mubantu bonse.

1 Kolinto 7:17

Umuntu onse alingile ukwikala nobumi ubo Lesa amwitilemo. Mfi efyo nkoeba abantu bonse abamufilonganino.

1 Kolinto 7:7

Nga chaliweme ukuti mwebo mwapalana nandibo, nomba Lesa apele chila muntu ichabupe chakwe, umbi ichamfi, naumbi naye ichamfilya.

2 Kolinto 10:13

Nomba fwebo tatukoyitutumunapo ukuchila pamalile. Twalafika bwaka mumalile awo Lesa atulingile, aafika nakuli mwe.

Efeso 1:11

Ifintu fyonse filachitika kubati ifyo Lesa afwaya nakambi kubati nimwenka umo afipekanishishe. Ye alitusalile muli Klistu ukuba abana bakwe abenenene.

Efeso 4:7

Nomba uuli onse muli fwebo apokelele ubupe ubwabwaka ukulingana nomo Klistu afwayile ukumupela.

Hebele 2:4

Lesa naye alikushininkisha bukamboni bwabo ukupitila mukuchita ifintu ifikulu nefyakushimbwisha ifipusene-pusene. Elo alibaakenye ifyabupe ifya Mupashi Wabuta ukulingana nokufwaya kwakwe.

Yemusi 1:18

Pamulandu uwakutemwa kwakwe umwine, alitupela ubumi ukupitila mumashiwi akwe ayachine ukwebati pali fyonse ifyo alengele, fwebo tube kubati abakwamba.