1 Kolinto 12:10 - Chipangano Chabwangu

¹⁰ Upela umuntu umbi ifiso ifyakuchita ifyafiso ifikulu, umbi naye ukushimika amashiwi aku Lesa. Elo umbi ukupatulula ubupe ubufuma ku Mupashi uuweme nangula uubi, umbi upelwa ukusosa mundimi ishitayishibikwa, nakuli umbi upela ukwalula indimi nshi.

1 Kolinto 12:10 ပူးပေါင်းရင်းမြစ်များ

Maliko 16:17

Abachetekela bakwishibikwa nefishibilo mfi: balikutamfya imipashi iibi mwishina lyanji, balikusosa nemilaka iinji,

Maliko 16:20

Nomba abakusambila bakwe balifuminepo nokupalangana, bayile ulo bashimikila konse-konse, na Bashikulu balikupyunga pamo nabo, nokukosha amashiwi abo mufishibilo ifyo balikuchita.]

Luka 24:49

Nebo nakumutumina icho Bata bamulaya. Nomba mulingile ukulindilila mumusumba muno ukufikila ulo ifiso fyakwisa pali mwe ukufuma kumulu.”

Yohane 14:12

Nachine nkomweba ati, uyo onse uwachetekela muli nebo akwisa kuchita imilimo iyo nebo nkochita. Ina, akwisa kuchita imilimo iikulu nokuchishapo, pantu nkoya kuli Bata.

Yohane 16:13

Nomba ulo wakwisa Umupashi Wabuta, akwisa kufisulula ukwebesha konse ukwaku Lesa. Akwisa kumulangilila ukwebesha konse. Takoyisa kuyisosela ifyamwine enka. Akwisa kusosa pafintu aumfwa, nokumweba pafintu ifyakwisa kuntanshi.

Imilimo ya batumwa 1:8

Nomba ulo Mupashi Wabuta wakwisa palimwe, nachine mwakukwata ifiso ifyakuba bakamboni banji mu Yelusalemu, mu Yudeya monse, pamo namu Samaliya, kufikila nakumpelo yachalo chonse.”

Imilimo ya batumwa 11:27

Muli nji nshita abasoseshi bambi bafumine ku Yelusalemu nokuya ku Antiyoki.

Imilimo ya batumwa 11:28

Umunabo umo uwitwa Agabusi, ayimakene nokusosa ukupitila mufiso fya Mupashi Wabuta ukuti kwakuba insala muchalo chonse. (Nchi chachitikile ulo Kulodiyasi ali ni kateka mukulu waku Loma.)

Imilimo ya batumwa 19:6

Penkapo Paulo abikilepo amaboko pali bo no Mupashi Wabuta walibawilile. Batatikile nokusosa mundimi shimbi, nokubilisha Amashiwi aku Lesa.

Imilimo ya batumwa 5:3

Elo Petulo alimufumbile ati, “Webo Ananiyasi, chindo icho Satana akutunkile mumutima obe ukubepa Umupashi Wabuta pakufisapo indalama shimbi isho wasangile mwibala lyobe?

Loma 12:6

Elo tulingile ukubomfya ifyabupe ifipusene-pusene ifyo Lesa apela mubwanshi bwakwe. Nga ubupe bwesu bwakushimika, tububomfye ukulingana nechichetekelo chesu.

Loma 15:19

mufiso ifikulu nefyakushimbwisha, elo namufiso ifya Mupashi Wabuta. Echo nalishimikile Ubutumi Bwawama ubusosa pafyaku Klistu konse nalikuya, ukutatikila mu Yelusalemu ukufikila naku Ililikumu.

1 Kolinto 11:4

Umwalalume onse uulomba nangu ukobilisha icho Lesa amufisulwila pachintu-bwinji, alifimbile kumutwi wakwe, asebanya Klistu.

1 Kolinto 13:8

Ukutemwa takushilapo. Ubusoseshi bwakushila, ukusosa indimi ishapusana-pusana kwakushila, elo namano yabantu yakuloba.

1 Kolinto 14:13

Pamulandu ngu, umuntu onse uusosa mundimi ishitayishibikwapo, alombe ukuti apelwe ifiso ifyakwalula.

1 Kolinto 14:39

Echo bawesu, bikeni imitima yenu pakushimika amashiwi aku Lesa. Elo mwikanyapo abantu ukusosa mundimi ishitayishikwapo.

Galatiya 3:5

Napo Lesa uwamupele Umupashi Wabuta nokuchita ifyafiso ifikulu muli mwebo, achitile mfi pamulandu wakulama Amafunde nangu mukumfwa Ubutumi Bwawama nokubuchetekela?

1 Tesalonika 5:20

Mwisaushapo Ubutumi Bwawama ubukobilishiwa.

Hebele 2:4

Lesa naye alikushininkisha bukamboni bwabo ukupitila mukuchita ifintu ifikulu nefyakushimbwisha ifipusene-pusene. Elo alibaakenye ifyabupe ifya Mupashi Wabuta ukulingana nokufwaya kwakwe.

1 Yohane 4:1

Mwe batemwekwa banji, mwilokuchetekelapo umuntu onse uukososa ukuti ali no Mupashi Wabuta. Mumweshe umuntu ngu ukushininkisha nga mupashi akwete waku Lesa ichine. Pantu abasoseshi ababufi bali mpanga yonse.

Ukufisulula 2:2

Ye akoti, Imilimo yobe yonse nalishiba. Nalishiba nokupyunga kobe konse nokushipikisha. Nakambi nalishiba ukuti taukutikapo kubantu ababi iyowo. Mbalya abayitunganya ukuba abatumwa, walibesha nokubasanga ababufi.