1 Kolinto 11:26 - Chipangano Chabwangu

²⁶ Pakuti inshita shonse ulo mulya ngu umufuba nokunwenako kulukombo ndu mubilisha imfwa yaku Bashikulu basuke bakabwele.

1 Kolinto 11:26 ပူးပေါင်းရင်းမြစ်များ

Yohane 14:3

Panuma yakumuwamishisha ififulo, nakubwela nakambi ukuti njise mutwale uko ndi ukwebati uko njikala namwe eko mukekale.

Yohane 21:22

Yesu alimwasukile ati, “Kati nebo nkofwaya ukuti ekalilile ukufikila apo nakubwelela, ngechi chindo kuli webo? Nkonka nebo epela!”

Yohane 21:23

Nga mashiwi asalanganine mubakusambila baku Yesu ati ngu uwakusambila takafwepo. Nomba Yesu taebelepo ukuti tayise kufwapo. Asosele ati, “Kati nebo nkofwaya ukuti ngu ekalilile ukufikila apo nakubwelela, ngechi chindo kuli webo?”

Imilimo ya batumwa 1:11

Abalalume mba basosele ati, “Mwebo mwe bena Galili, Nindo mwimakanine mpano nokulolesha kumulu? Ngu Yesu uwapintwa kumulu ukufuma apo muli, akubwela nakambi kubati fintu mwamubona akoya kumulu.”

1 Kolinto 15:23

Ukubako umuntu onse akubuka panshita yakwe: Uwakwambilapo ni Klistu, elo panshita yakwisa kwakwe abantu bakwe nabo bakwisa kubuka kubafwa.

1 Kolinto 4:5

Echo mwipingulapo umuntu nangu umo ulo Bashikulu batalafika. Bo ebakwisa kusanikila fyonse ifyamubumfisolo ifyamumfishi. Elo akufisulula ifyamufinsolo nokufisulula amapange aafisama ayamumitima yabo. Panuma chila muntu akupokelela ukutonda kuli Lesa ukulingana nemilimo yakwe.

1 Tesalonika 4:16

Kwakuba ukubilisha neshiwi lyamungeli umukulu, nechiwunda chepenga lyaku Lesa, na Bashikulu abene bakwisa ukufuma kumulu. Mbalya abafwile nechichetekelo muli Klistu ebakubuka pakubala.

2 Tesalonika 1:10

Chakuba mfi ulo akwisa pali nkalya kasuba ukuti abo asala bamuchinshike, ina, bonse abachetekela bamuchinshike. Namwe mwakuba pamo pantu mwachetekela amashiwi ngalya twamusambishe.

Hebele 9:28

Mwenkamo Klistu aliipele nge chipupo limo ukwebati apinte nokufuta amabifyo abantu abenji. Akuboneka nakambi inshita yalenga chibili. Temukufutapo amabifyo iyowo, kuntu nimukupulusha bo abakomulindila.

2 Petulo 3:10

Nomba akasuba kaku Bashikulu kakwisa nga mung’o. Pakasuba nkalya iwulu lyakuluba nokubuluma ukukulu. Ifintu fyonse fyakupya nokusungulika kumulilo. Elo ichalo nefintu ifyabamo fyakupya shikiti.

1 Yohane 2:28

Ina, bana banji, ikaleni muli Ye, mukuti nga aboneka tukeushiwe nokushipa. Tatwakaumfwepo insoni pakasuba ulo akwisa.

Yuda 1:14

Embalya Enoki, ichikolwe chalenga basanu na babili ukufuma pali Adamu, asosele ukuti, “Nachine Imfumu yakwisa nabangelo bayiko ababuta abali amakana-makana.

Ukufisulula 1:7

Boneni akoyisa pamakumbi! Echo bonse bakumubona pamo nabo abamulashile. Imikowa yonse yamuno chalo yakulila pamulandu wakwe. Nachine nifyenka mfi. Ameni.

Ukufisulula 22:20

Uyo uukopela bukamboni kumashiwi nga akoti, “Ina, nkoyisa bwangu.” Ameni. Iseni Bashikulu Yesu!