1 Kolinto 11:25 - Chipangano Chabwangu

²⁵ Munshila imo yenka, ulo ashilile ukulya, Yesu abulile ulukombo nokusosa ati, “Ndu lukombo chipangano chabwangu ichapamulopa wanji. Mulokuchita mfi lonse ulo mukonwa pakunjibukisha.”

1 Kolinto 11:25 ပူးပေါင်းရင်းမြစ်များ

Luka 22:20

Munshila imo yenka alibapele nenkombo panuma yamulalilo, nokuti, “Ngu mulopa wanji uwachipangano ichabwangu chamumulopa wanji uwayitikilwe pamulandu waku mwebo.”]

1 Kolinto 10:16

Ulo tunwako kulukombo uko tutotela Lesa, nku kwakanapo mumulopa waku Klistu. Umufuba uwo tusunaula, napo tatukumbinkanapo nomubili waku Klistu uyo tulyako?

1 Kolinto 11:24

Ulo ashilile ukutotela kuli Lesa, aliwusunawile nokusosa ati, “Ngu mubili wanji uwapelwa pamulandu wenu. Mulokuchita mfi pakunjibukisha.”

2 Kolinto 3:14

Nomo imitima yabo yalikosele, ukufika nanduno ichinsalu nchilya chilibafimbile nangu ulo bapenda amabuku ayamuchipangano chakale. Ichinsalu nchilya balachifumya ulo umuntu aba muli Klistu.

2 Kolinto 3:6

Eutupela ifiso ifyakupyungila chipangano chabwangu, temumafunde aalembwa, kuntu mu Mupashi Wabuta. Pakuti Amafunde aalembwa aleta imfwa, nomba Umupashi Wabuta upela ubumi.

Hebele 13:20

Lesa upela umutende, alibushishe Bashikulu Yesu kubafwa, Ye ali ni Chembela mukulu wambelele pamulandu wamfwa yakwe ili chishibilo ichachipangano ichitapwa.