1 Kolinto 10:32 - Chipangano Chabwangu

³² Ubumi bwenu bwilenga Abayuda, abenafyalo nangula ichilonganino chaku Lesa ukubifya.

1 Kolinto 10:32 ပူးပေါင်းရင်းမြစ်များ

Imilimo ya batumwa 20:28

Echo mulokuyisunga mwebene nomukuni onse uyo Umupashi Wabuta wamupela ukwangalila. Mube bachembela bamukuni waku Lesa uyo umwine apulwishe mumfwa ya Mwana wakwe.

Imilimo ya batumwa 24:16

Echo nandibo ndesha inshita shonse ukuba nakampingu uuweme kuli Lesa nakubantu.

Loma 14:13

Nomba umwina Klistu onse epingulapo umunakwe. Elo achenjele ukuti echitapo chimo ichingalenga ukuba ichipunwisho kumunakwe.

1 Kolinto 1:2

Tukolembela ichilonganino chaku Lesa ichili ku Kolinto. Lesa alimupatula muli Klistu Yesu nokumwita abantu bakwe, pamo nabo abeta peshina lyaku Bashikulu, konse uko bali. Ye e Shikulu wabo nakambi wesu.

1 Kolinto 10:33

Mulokuchita kubati ifyo nebo nchita. Ndesha ukusekelesha abantu bonse muli fyonse. Nshikofwayapo ukuyiwamisha nenka, kuntu ifiwamisha abantu bonse ukuti bapuluke.

1 Kolinto 11:22

Napo tamwakwatapo amananda akulilamo nangula ukunwenamo? Napo mufwaya ukusula ichilonganino chaku Lesa nokulenga insoni kubachula? Findo nkososa nebo? Napo mutotele? Nangu panini!

1 Kolinto 12:28

Muchilonganino Lesa alibikamo mba: pakwamba abatumwa, muchabubili abasoseshi, muchabutatu abasambishi. Abikilemo abantu abangachita ifyafiso ifikulu, abakwete ifiso ifyakuposha, bambi ifyakwafwilishako, bambi ifyakutungulula, nabambi ifyakusosa mundimi ishapusana-pusana.

1 Kolinto 15:9

Pakuba ndi umunono pabatumwa bonse. Tanshilingilepo nokwitwa umutumwa pakuti nalikuchusha ichilonganino chaku Lesa.

1 Kolinto 7:17

Umuntu onse alingile ukwikala nobumi ubo Lesa amwitilemo. Mfi efyo nkoeba abantu bonse abamufilonganino.

1 Kolinto 8:13

Echo nga ichakulya chalenga wesu ukubifya, tekutipo ndye inama, ukutina ati ningawisha wesu.

2 Kolinto 1:1

Nine Paulo umutumwa waku Yesu Klistu ukulingana nokufwaya kwaku Lesa. Ndi nawesu Timoti. Tukolembela ichilonganino chaku Lesa ichili ku Kolinto nabantu bonse abaku Lesa abali muchalo cha Akaya.

2 Kolinto 6:3

Tatubikapo ifyakuyitutulako abantu munshila, ukutina ukwebati umulimo wesu ungasuulwa.

Galatiya 1:13

Mwalyumfwile ifyamyendele yanji ulo nali mu Chiyuda. Nalikuchusha ichilonganino chaku Lesa ukwinekantu ukuti nchonaule.

Filipi 1:10

Elo mwakwishiba ukusala ifiweme ukufikapo. Nomba pakasuba Klistu akubwelelamo akumusanga bwaka abakaele, abatakwetepo umulandu nangu pamo.

Filipi 3:6

Nali uwachinchila ichakwebati nachushishe ichilonganino. Nachitile fyonse ifyo Amafunde alikufwaya ukwebati nsekeshe Lesa.

1 Tesalonika 2:14

Bawesu, ifyamuchitikile nkulya efyachitikile namufilonganino fyaku Lesa ifyamu Yudeya. Abakaya benu bamuchushishe ukubati fintu bachilolo ba Bayuda bachushishe abena Klistu baku Yudeya.

1 Timoti 3:15

Nomba nga nachelwa ukwisa, ifyo nalemba muli kalata nji fyakukutangilila ifyo abantu balingile ukwikala munanda yaku Lesa umumi. Chilonganino eling’umba nomufula uwafyachine ifyaku Lesa.

1 Timoti 3:5

Nomba umuntu nga tayishibapo ukusunga ulupwa lwakwe bwino, kuti asunga shani ichilonganino chaku Lesa?