1 Kolinto 10:20 - Chipangano Chabwangu

²⁰ Iyowo, kuntu ifyo abakunse bapupa bapupila kumipashi iibi, te kuli Lesapo iyowo. Nshikofwayapo ukuti mwebo mube abakumbinkana nemipashi iibi.

1 Kolinto 10:20 ပူးပေါင်းရင်းမြစ်များ

Mateyo 4:9

Elo asosele kuli Yesu ati, “Mfi fyonse nkokupela nga wafukama pamakasa anji nokunambila.”

2 Kolinto 4:4

Bo tabachetekelapo pakuti Satana, lesa wapanonshi, alibafimba ukuti belokubona ukusanika kwa Butumi Bwawama. Ukusanika nku kubwenesha umuchinshi waku Klistu. Elo muli Ye Lesa alaboneka.

Galatiya 4:8

Kale tamwaishibilepo Lesa iyowo. Echo mwalifye abasha batungosa wakubasa ututapo tulesa twinenene.

Ukufisulula 2:14

Nomba kuli ifintu fimbi ifyo nkokukalipilapo. Kwaliba abantu bambi abakonka ukusambisha kwakwa Balaamu, uyo uwasambishe Balaki ukutungulula abena Isilaeli ukubifya ulo abebele ukuti balye ifyapupilwe kuli tungosa wakubasa nokuchita ubulale-lale.

Ukufisulula 2:20

Nomba ndikwete umulandu umo nawebo uwakuti ulalekelela umwanakashi Yesebelo usosa ati musoseshi waku Lesa. Ye alabepa abapyungi banji ukuti bachite ubulale-lale nokulya ifyakulya bapupila tungosa wakubasa.

Ukufisulula 9:20

Elo kwashele abantu bambi abatayipelwe kufinkunka mfilya. Nangu chali mfi, tabalapilepo nokuleka ifyo bayipangile abene. Tabalekelepo ukulambila imipashi iibi, tungosa wakubasa utwagolide, silubale, umukuba, amabwe nefiti, ifyo ifitabona, ifitomfwa nokutenda.