1 Kolinto 10:17 - Chipangano Chabwangu

¹⁷ Pakuba umufuba umo bwaka. Nangu fwebo tuli abenji, twaba umubili umo pantu tulya kumufuba umo.

1 Kolinto 10:17 ပူးပေါင်းရင်းမြစ်များ

Loma 12:5

Munshila imo yenka, nafwebo fwe bachetekela, nangu tuli abenji, twaba umubili umo muli Klistu. Echo twalikumbinkana pamo ngefilewa ifyamubili umo.

1 Kolinto 10:21

Te kuti munwenepo kulukombo lwaku Bashikulu elo nolwamipashi iibi. Te kuti mulilepo petebulo lyaku Bashikulu elo nelyamipashi iibi.

1 Kolinto 12:12

Klistu aba kubati mubili umo uwaba nefilewa ifinji. Nangu ifilewa fibe ifinji, kuntu umubili waba umo enka epela.

1 Kolinto 12:27

Echo mwebo bonse muli umubili waku Yesu. Elo bonse muli ifilewa fyamubili waku Ye.

Efeso 3:6

Ubumfisolo mbu bwakuti mu Butumi Bwawama abenafyalo nabo bapoke ishuka lyaku Lesa pamo na Bayuda. Pamo na Bayuda filewa ifyamubili umo, elo muli Klistu Yesu balapokelela pamo nabo ubulayo bwaku Lesa.

Efeso 4:16

uutungulula umubili onse, nokulundanya pamo ifilewa fyonse. Elo ichilewa chonse chalikwata umulimo wachiko. Echo umubili onse ulakula nokukosa mukutemwa.

Efeso 4:25

Echo lekeni ukubepa. Uuli onse asose ifyachine kumunakwe pakuti bonse tuli ifilewa ifyamubili waku Yesu.

Efeso 4:4

Pakuba kwaba umubili umo, no Mupashi Wabuta umo, ukubati nimfilya kwaba ukulindilila kumo uko Lesa atwitile.

Kolose 2:19

Elo balifumako kuli Klistu umutwi wachilonganino. Muli Klistu umubili onse ulapokela ifiso nokwikatana kwafilundwa fyonse. Echo umubili ulakula nga umo Lesa afwayila.

Kolose 3:11

Mubumi mbu tapapo ubupusano pakati ka Bayuda nabenafyalo, uwashilimunwa nangu uutashilimunwapo, abatasambilila, bankalwe, abasha nangu ababwanalale, kuntu ichikulu ni Klistu uwaba muli bonse.

Kolose 3:15

Umutende uwo Klistu apela ewo ulokuba kampingu wamitima yenu, pantu kuli ngu mutende wenka eko Lesa amwitila ukuba pamo mumubili umo. Elo mube nemitima iyakutotela Lesa.