1 Kolinto 10:16 - Chipangano Chabwangu

¹⁶ Ulo tunwako kulukombo uko tutotela Lesa, nku kwakanapo mumulopa waku Klistu. Umufuba uwo tusunaula, napo tatukumbinkanapo nomubili waku Klistu uyo tulyako?

1 Kolinto 10:16 ပူးပေါင်းရင်းမြစ်များ

Luka 22:17

Elo Yesu abulile inkombo, alitotele kuli Lesa nokuti, “Buleni ulukombo ndu mwabane.

Imilimo ya batumwa 2:42

Abachetekela mba balikukumana inshita shonse ukuti bomfwe ifyo abatumwa balikusambisha. Balikwikala mubwana-nkashi, balikulya nokulombela pamo.

Imilimo ya batumwa 2:46

Chila kasuba balikukumana pamo munanda yaku Lesa nomutima umo. Elo balikupokelela umulalilo mumananda yabo nokulya ifyakulya nemitima yansansa nokuyichefya.

Imilimo ya batumwa 20:11

Elo Paulo akwelele nakambi pamulu. Asunawile umufuba nokulya. Atwalilile ukusosa nabo bwasuka bwacha. Elo alayile nokuya.

Imilimo ya batumwa 20:7

Pakasuba kakwamba ake Sabata, twalongene bonse pamo ukulya Umulalilo wa Bashikulu. Ulo twapwile, Paulo atatikile ukusosa nabantu. Pantu alikufwaya ukuya palwendo uluchelo, echo alipitilile ukusosa ukufika napakati kabushiku.

1 Kolinto 1:9

Lesa wachishinka. Elo Ye ewamwitile ukwebati muwikishanye pamo no Mwana wakwe Yesu Klistu, Bashikulu wesu.

1 Kolinto 10:15

Nkososa mfi kuli mwe nga bantu abamano. Muyipingule mwenka pali mfi nkososa.

1 Kolinto 12:13

Pakuba nangu fwebo tube Abayuda nangula abenafyalo, abasha nangula ababwanalale, twabatishiwe mu Mupashi Wabuta umo ukwebati tube umubili umo. Elo bonse twalipokelela Umupashi Wabuta umo wenka.

Hebele 3:14

Echo fwebo bonse tupyungila pamo na Klistu nga twatwalilila muchichetekelo twakwete pakwamba ukufikila nakumupwilo wabumi bwesu.

1 Yohane 1:3

Echo twabona nokumfwa tukobilisha kuli mwebo, ukuti mwe nafwebo tukumane pamo na Bata no Mwana wabo Yesu Klistu.

1 Yohane 1:7

Lelo nga twaba mulubuto, nga mfilya Ye aba mulubuto, ekwebati bonse ifwe twaba mwisenge nakwe. Elo nomulopa waku Yesu, Umwana wakwe, ulatuwamya kumabifyo onse.