1 Kolinto 10:14 - Chipangano Chabwangu

¹⁴ Echo mwe batemwekwa banji, fumeniko kukululomba tungosa wakubasa.

1 Kolinto 10:14 ပူးပေါင်းရင်းမြစ်များ

Imilimo ya batumwa 15:20

Tulingile ukubalembela bwaka kalata uwakwebati belokulyako ifitasangululwa ifyo abantu bakopupila tungosa wakubasa nokuti belokuchita ubuchende, belokulyako nenama iyo bapotwele pamukoshi nangula umulopa.

Loma 12:19

Mwe batemwekwa, mwilandulapo ichibi kumuntu pakuti Lesa eye akumuchusha mubukali bwakwe. Chili kubati nimfilya Amalembo asosa ati, “Balekeni, ninebo nakubalandula. Nakubachusha, efyo asosa shikulu Lesa.”

1 Kolinto 10:15

Nkososa mfi kuli mwe nga bantu abamano. Muyipingule mwenka pali mfi nkososa.

1 Kolinto 10:19

Mba nindo nkososapo? Napo ipupo tupipila tungosa wakubasa lyaba nakantu? Napo tungosa wakubasa nato tulipo nakantu?

1 Kolinto 10:7

Twilokulombapo tungosa wakubasa ukubati nimfilya bambi pali bo bachitile. Amalembo asosa ati, “Abantu balikele ukuti balye nokunwa, elo batatikile nokushana.”

1 Kolinto 5:11

Nomba nalimulembele ukuti mwipangapo buchibusa nomuntu uusosa ati mwina Klistu, kumbi akochita ubuchende, kabundulu, uulomba tungosa wakubasa, uwansele, chakolwa, nangula umung’o. Umuntu uwaba mfi, tamulingilepo nangu ukulya pamo nakwe.

2 Kolinto 11:11

Nipamulandu ndo? Napo nshamutemwapo? Lesa alishibile ati nalimutemwa.

2 Kolinto 12:15

Nebo kuti natemwa ukuposa fyonse ifyo ndinafyo, pamo nande, pamulandu wenu. Nomba nga nalimutemwa ukwinekantu mfi, napo mwebo mwakuntemwa panini bwaka?

2 Kolinto 12:19

Nalimo mukolanguluka ukuti tukofwaya ukuyiwamisha pemenso enu? Tefyopo, pamenso aku Lesa, tusosa muli Klistu. Elo pali fyonse, mwe batemwekwa banji, tukofwaya ukumukoseleshako.

2 Kolinto 6:17

Echo Bashikulu bakoti, “Fumenipo pali bo, ipatuleni kuli bo. Mwikumyako kukantu akakowela, elo nakumupokelela.”

2 Kolinto 7:1

Nomba, mwe batemwekwa, pakuti tuli nobulayo mbu, katufumyepo ifintu fyonse ifikowesha imibili yesu nangu imitima yesu. Elo mukuchinshika Lesa, twikale ubumi ubwaololoka nakambi ubwabuta.

Filipi 4:1

Echo mwe bawesu, nalimutemwesha, elo ndamufuluka. Mulansangalasha nakambi nimwe ingala yanji iyo mbekelamo. Mwe batemwekwa, imakaneni ndi muli Bashikulu.

Filimoni 1:1

Nine Paulo umufungwa pamulandu waku Yesu Klistu. Tuli na Timoti wesu. Twalembela webo Filimoni we mutemwekwa nomupyungi munesu muli Klistu,

Hebele 6:9

Nomba mwebo mwe batemwekwa banji, nangu tukososa mfi, tatukomutwishikapo. Twalishiba ukuti muli nalyo ishuko ilimutwala kuchipulusho chenu.

1 Petulo 2:11

Mwe batemwekwa, pakuti muli abalwendo panonshi, nkomupapata talamukeniko kufyalunkumbwa ulwamubili ifyo ifilwa namwe.

1 Yohane 5:21

Mwe bana banji, mutalukeko kuli tungosa wakubasa.

Ukufisulula 13:8

Abantu bonse abekala pano chalo bakuchilomba, bonse mbalya abatalembelwepo ichalo tachilatatika mwibuku lyabumi lya Mwana wambelele uyo bayipeye.

Ukufisulula 2:14

Nomba kuli ifintu fimbi ifyo nkokukalipilapo. Kwaliba abantu bambi abakonka ukusambisha kwakwa Balaamu, uyo uwasambishe Balaki ukutungulula abena Isilaeli ukubifya ulo abebele ukuti balye ifyapupilwe kuli tungosa wakubasa nokuchita ubulale-lale.

Ukufisulula 21:8

Nomba abamwenso, abatachetekelwapo, abafwaya ifyabunani, bakepaya, ababulale-lale, indoshi, abalomba tungosa wakubasa, nabonse ababufi. Ichifulo chabo nimuli bemba wamulilo uwaka nasilubale. Nji emfwa yachibili.”

Ukufisulula 22:15

Nomba panse yamusumba paba imbwa, indoshi, ababulale-lale, ifipondo, abalomba tungosa wakubasa nambalya abatemwa nokuchita ifyabufi.