1 Kolinto 1:27 - Chipangano Chabwangu

²⁷ Nomba Lesa asalile ifintu ifyo abantu balanguluka ukuba ifipuneme ukuti aumfwishe insoni abamulangwe. Asalile nakambi ifintu ifyanaka ukuti aumfwishe insoni abafiso.

1 Kolinto 1:27 ပူးပေါင်းရင်းမြစ်များ

Mateyo 11:25

Pali njilya nshita Yesu asosele ati, “Bata, mwe Kateka wamulu nechalo! Nkomutotela pantu mwalanga mfi ifintu kubatasambilila ifyo mwafishile kubamano nabasambilila.

Mateyo 21:16

Echo balimwebele bati, “Napo ulyumfwilepo ifyo mba bakososa?” Elo Yesu abasukile ati, “Ina, napo tamwapendapo amashiwi ngalya aasosa ati, ‘Mwalisambilisha utwayiche notucheche ukuti tumutondayishe ukufikapo.’”

Mateyo 9:9

Ulo Yesu afumine nkulya, abwene umwalalume uwalikwitwa Mateyo alikele pamulimo wakwe munanda yamusonko. Elo Yesu amwitile ati, “Nkonka.” Mateyo alimine nokumukonka.

Luka 21:15

Pakuti nakumupela amashiwi nomulangwe ichakweba ati nangu utupondo twenu tatwakamuchile nangu ukulengulula ifyo mwakusosa.

Imilimo ya batumwa 17:18

Abantu bambi abamulangwe abalikwitwa Bayipikuleya na Basitoyiki abasambishi balikutalikishanya na ye. Bambi balikusosa ati, “Ngoyu uteshibilepo nangu kamo, findo akososa?” Bambi nabo ati, “Ali kubati akososa pamulandu wabalesa bambi.” Basosele mfi pantu Paulo alikubilisha amashiwi aku Yesu nokubuka kwakwe kubafwa.

Imilimo ya batumwa 7:35

“Engulya Mosesi uwo abena Isilaeli bakene ulo basosele ati, ‘Nga ninani wakubika kapingula pali fwebo?’ Eye Lesa atumine ukuti abatangilile nokubapulusha, nowakumwafwako ningulya mungelo uwamubwenekele muchimpukesa ichali kubilima umulilo.

Imilimo ya batumwa 7:54

Ulo abamuchilye baumfwile amashiwi akwa Sitefano, bakalipile ukwinekantu nokusumanya ameno kubukali bwabo.

1 Kolinto 1:20

Nomba abamulangwe balikwisa? Nga abasambilila balikwisa? Nangula abachenjela mukutalikana ifyamuchalo balikwisa? Echo Lesa alitulanga ukuti umulangwe wabantu panonshi ulipuneme.

1 Kolinto 1:21

Pakuba mumulangwe wakwe, Lesa apekenye kabela ukwebati abantu bemwishiba mumulangwe wabo. Nomba Lesa chamuwamine ukwebati apulushe abantu abachetekela ukupitila mumashiwi awo balanguluka ukuba aapuneme awo tusambisha.

1 Kolinto 2:12

Fwebo tatwapokelelepo umupashi wapanonse iyowo, kuntu twapokele Umupashi Wabuta uwafuma kuli Lesa, ukwebati ese twafwilisheko ukumfwisha ifyo Lesa atupele bwaka.

2 Kolinto 10:10

Bambi bakoti, “Makalata akwa Paulo abukali nakambi afiso. Nomba umwine nga ali pakati kesu, aba uwanaka, namashiwi akwe takwetepo akantu.”

2 Kolinto 4:7

Nomba fwebo tuli nongo bwaka ishakusungilamo mbu buboni ukwebati peshibikwe ukuti ifiso ifikulu mfi fyaku Lesa, tefyabantupo iyowo.

Yemusi 2:5

Umfweni mwe bawesu abatemwekwa! Napo Lesa tasalilepo abo ababoneka abachushi kubantu ukuti bakabe abasambashi muchichetekelo chabo? Napo tabasalilepo ukuti bapokelele ishuko ilyo alayile ukupela abamutemwa?