1 Kolinto 1:23 - Chipangano Chabwangu

²³ Nomba fwebo tulasambisha ifyaku Klistu uwo basamikile pamutashi. Ku Bayuda amashiwi nga akuyituntulako, kuntu kubenafyalo aapuneme.

1 Kolinto 1:23 ပူးပေါင်းရင်းမြစ်များ

Mateyo 11:6

Balishuka abantu abatakayikapo pali nebo!”

Mateyo 13:57

Echo balimusulile. Elo Yesu abebele ati, “Umusoseshi balamuchinshika kumbi konse, kuntu kuchalo chakumyabo, namunanda yakwe emo bamusula.”

Luka 2:34

Simyoni alibashukishe nokusosa kuli Maliya banyina ati, “Bona ngu mwana wabikwa ukuti abenji mu Isilaeli bakuwa, abenji nabo bakwima. Akuba ichishibilo chakwa Lesa icho abantu abenji balikukana.

1 Kolinto 1:18

Pakuba amashiwi amfwa yaku Klistu pamutashi aba aabwaka kuli bo abakoluba, kuntu kuli fwe abakopuluka, fiso fyaku Lesa.

1 Kolinto 1:21

Pakuba mumulangwe wakwe, Lesa apekenye kabela ukwebati abantu bemwishiba mumulangwe wabo. Nomba Lesa chamuwamine ukwebati apulushe abantu abachetekela ukupitila mumashiwi awo balanguluka ukuba aapuneme awo tusambisha.

1 Kolinto 1:28

Ifyo abantu balanguluka ukuba ifyabwaka, ifyamusalula, elo ifitakwetepo nakantu, mukwebati aonaule ifyo ichalo chilanguluka ukuba ifinenene.

1 Kolinto 2:14

Umuntu uutakwetepo Umupashi Wabuta tomfwapo ififuma ku Mupashi ngu. Kuli ye fipuneme. Elo tekuti afyumfwikishepo pakuti fishibikwa bwaka kumuntu uukwete Umupashi Wabuta.

1 Kolinto 2:2

Pakuba ulo nali pali mwe, nshalikufwayapo ukwishiba akantu akali konse, kuntu Yesu Klistu enka nemfwa yakwe iya pamutanshi.

1 Kolinto 4:10

Pamulandu waku Klistu, fwebo bakotulanguluka ukuba abapuneme, elo mwe abamulangwe muli Klistu. Mwaliba abanaka, kuntu mwebo muli abafiso! Muli abachindama, nomba ifwe tuli abasulwa.

2 Kolinto 4:5

Echo tatwishimika fwebene, sembi Yesu Klistu ukuti e Shikulu. Fwebo tuli ntumi shenu bwaka pamulandu waku Yesu.

Galatiya 3:1

Mwe abena Galatiya bapuneme! Mba nibani abamulowele? Ulo twamusambishe ifyaku Yesu Klistu, twalondolwele bwino-bwino ifyo bamusamikile pamutashi.

Galatiya 5:11

Mwe bawesu kati nkotwalilila ukumusambisha ati tulingile ukushilimunwa, mba nindo nchili mukuchula? Amashiwi ayasosa ifyapamutashi taanganchusha nakambi iyowo nga nkotwalilila ukweba abantu ukuti bashilimunwe.

Galatiya 6:14

Nomba nebo tekuti njitakishepo pakantu akali konse, kuntu pamutashi waku Bashikulu Yesu Klistu. Pakuti balifwa pamutashi, ifyapanonshi kuli nebo fyaba kubati filifwile kale. Elo kufyapanonshi fyenka mfi, ndi kubati wafwa.

Efeso 3:8

Mubantu baku Lesa, nebo ndimunini ukuchilapo. Nomba Lesa alimpele nebo umulimo ngu uwakubilisha kubenafyalo Ubutumi Bwawama ubwabuboni ubutangapendwapo Lesa atupele muli Klistu.

Hebele 12:2

Amenso yesu abwenekeshe pali Yesu uyo uwatatikile ichichetekelo chesu, nakambi euchisunga. Pamulandu wakusekelela ukwali kumulindila, ngu aliipele ukusamikwa pamutashi. Takwetepo nensoni pamfwa yamfi. Nomba akoyikala kukuboko ukwamulyo ukwamupando wabufumu bwaku Lesa.

1 Petulo 2:8

Amalembo asosa nakambi ati, “Elyayishile kuba libwe lyakuyitutulako, ilyakuwisha abantu.” Balayitutulako pantu tabomfwila Amashiwi aku Lesa nga mfilya Lesa umwine apingwile kabela.