1 Kolinto 1:20 - Chipangano Chabwangu

²⁰ Nomba abamulangwe balikwisa? Nga abasambilila balikwisa? Nangula abachenjela mukutalikana ifyamuchalo balikwisa? Echo Lesa alitulanga ukuti umulangwe wabantu panonshi ulipuneme.

1 Kolinto 1:20 ပူးပေါင်းရင်းမြစ်များ

Mateyo 13:22

Bambi nabo baba kubati nimbuto ishawile muminga. Mba ebomfwa amashiwi aku Lesa, kuntu pamulandu wakufwayilisha ifintu fyamuchalo nobuchindami, elo mfi fintu filafininkisha amashiwi, epo tabatwalapo ifitwalo.

Yohane 12:31

Nomba enshita yakupingulwa kwabantu banchino chalo, Satana kateka wanchino chalo, akutamfishiwa.

Imilimo ya batumwa 17:18

Abantu bambi abamulangwe abalikwitwa Bayipikuleya na Basitoyiki abasambishi balikutalikishanya na ye. Bambi balikusosa ati, “Ngoyu uteshibilepo nangu kamo, findo akososa?” Bambi nabo ati, “Ali kubati akososa pamulandu wabalesa bambi.” Basosele mfi pantu Paulo alikubilisha amashiwi aku Yesu nokubuka kwakwe kubafwa.

Loma 1:20

Pakuba ukufuma apo Lesa atalile ichalo, abantu balishibile ifyo Lesa ali, emukuti ifiso fyakwe fitapwapo, elo nobulesa bwakwe. Abantu baleshiba mfi ulo babona ifyo Lesa alengele. Echo tabakwetepo ichakwipokolwelako.

Loma 1:22

Bo bayitondayisha ukuba abamulangwe, kanshi bapuneme.

1 Kolinto 1:19

Pakuba chalilembwa ati, “Nakonaula umulangwe wabantu abamulangwe namano yabantu bamano nakulofya.”

1 Kolinto 1:26

Bawesu ibukisheni ifyo mwali panshita Lesa amwitilepo. Pakati kenu tapalipo abenji abantu abalikulanguluka ukuti bamulangwe, bafiso nangu abafyelwe mundupwa ishalulumbi.

1 Kolinto 1:27

Nomba Lesa asalile ifintu ifyo abantu balanguluka ukuba ifipuneme ukuti aumfwishe insoni abamulangwe. Asalile nakambi ifintu ifyanaka ukuti aumfwishe insoni abafiso.

1 Kolinto 1:28

Ifyo abantu balanguluka ukuba ifyabwaka, ifyamusalula, elo ifitakwetepo nakantu, mukwebati aonaule ifyo ichalo chilanguluka ukuba ifinenene.

1 Kolinto 11:32

Nomba ulo Bashikulu batupingula, batuchenjesha ukuti twikapelwapo umulandu pamo nabatayishibapo Lesa.

1 Kolinto 2:6

Nomba pabantu abashika tusosa ifyamulangwe, kuntu temulangwepo uwabuntunse iyowo nangula uwantungulushi shamuchalo nshi ishiloba.

1 Kolinto 2:8

Tapapo bakateka banchino chalo abayishibe umulangwe ngu. Nga balishibile, nga tabasamikilepo Bashikulu ababuleme pamutashi.

1 Kolinto 3:18

Mulokuyibepapo. Nga umuntu umbi pali mwe akoyilanguluka ukuba uwamulangwe, ukusosa pafintu ifyapanonshi, alingile ukuboneka nga uupuneme ukwebati aaluke uwamulangwe.

1 Kolinto 3:19

Pakuti umulangwe wabantu uwapanonshi uupuneme pachinso chaku Lesa. Chili kubati nimfilya Amalembo asosa ati, “Lesa akekata abamulangwe wabuntunse mubuchenjeshi bwabo,”

1 Kolinto 6:2

Napo tamwishibilepo ukwebati abantu baku Lesa ebakwisa kupingula abapanonshi? Nomba nga nimwe abakupingula abantu bonse, mwingafwilwa shani ukupingula utumilandu tunini?

Yemusi 4:4

Mwe bantu abatachetekelwapo! Napo tamwishibilepo ukwebati buchibusa nefintu ifyapanonshi kupatana na Lesa? Echo umuntu uufwaya ifyabuntunse kapondo kaku Lesa.