1 Kolinto 1:18 - Chipangano Chabwangu

¹⁸ Pakuba amashiwi amfwa yaku Klistu pamutashi aba aabwaka kuli bo abakoluba, kuntu kuli fwe abakopuluka, fiso fyaku Lesa.

1 Kolinto 1:18 ပူးပေါင်းရင်းမြစ်များ

Imilimo ya batumwa 13:41

‘Boneni, mwe bantu abamusalula! Shimbweni nokufwililila. Pakuba icho nakuchita nduno, nincho icho tamwakachetekelepo, nangu umuntu umo engamulondolwela shani!’”

Imilimo ya batumwa 17:18

Abantu bambi abamulangwe abalikwitwa Bayipikuleya na Basitoyiki abasambishi balikutalikishanya na ye. Bambi balikusosa ati, “Ngoyu uteshibilepo nangu kamo, findo akososa?” Bambi nabo ati, “Ali kubati akososa pamulandu wabalesa bambi.” Basosele mfi pantu Paulo alikubilisha amashiwi aku Yesu nokubuka kwakwe kubafwa.

Imilimo ya batumwa 17:32

Ulo baumfwile Paulo akososa ifyakubuka kubafwa, bambi balikumuseka, kuntu bambi nabo balikusosa bati, “Twakwisa kumfwako nakambi amashiwi nga.”

Imilimo ya batumwa 2:47

Balikutotela Lesa nokusangulusha abantu bonse. Elo inshiku shonse Bashikulu balikubalundilako nabambi abakupuluka.

Loma 1:16

Nebo nshakwatapo nsoni pa Butumi Bwawama, pakuba efiso fyaku Lesa mukupulusha abantu bonse abachetekela, ukutatikila ku Bayuda elo nakubenafyalo.

1 Kolinto 1:21

Pakuba mumulangwe wakwe, Lesa apekenye kabela ukwebati abantu bemwishiba mumulangwe wabo. Nomba Lesa chamuwamine ukwebati apulushe abantu abachetekela ukupitila mumashiwi awo balanguluka ukuba aapuneme awo tusambisha.

1 Kolinto 15:2

Lesa akumupulusha ukupitila mu Butumi Bwawama mbu kati mukosunga bwino amashiwi akwe kubati nimfilya namwebele. Achatali mfi, ukuchetekela kwenu nga kwali kwabwaka.

1 Kolinto 2:14

Umuntu uutakwetepo Umupashi Wabuta tomfwapo ififuma ku Mupashi ngu. Kuli ye fipuneme. Elo tekuti afyumfwikishepo pakuti fishibikwa bwaka kumuntu uukwete Umupashi Wabuta.

1 Kolinto 2:2

Pakuba ulo nali pali mwe, nshalikufwayapo ukwishiba akantu akali konse, kuntu Yesu Klistu enka nemfwa yakwe iya pamutanshi.

1 Kolinto 3:19

Pakuti umulangwe wabantu uwapanonshi uupuneme pachinso chaku Lesa. Chili kubati nimfilya Amalembo asosa ati, “Lesa akekata abamulangwe wabuntunse mubuchenjeshi bwabo,”

1 Kolinto 4:10

Pamulandu waku Klistu, fwebo bakotulanguluka ukuba abapuneme, elo mwe abamulangwe muli Klistu. Mwaliba abanaka, kuntu mwebo muli abafiso! Muli abachindama, nomba ifwe tuli abasulwa.

2 Kolinto 10:4

Ifyanso tulwilako tafili kubati fyabuntunse, kuntu fiso ififuma kuli Lesa ifingonaula amalinga. Tulachimfya ifitala fyabufi.

2 Kolinto 4:3

Nangu Butumi Bwawama ubo tukobilisha bwaba ubwafimbwa, bwalifimbwa kuli bo abakoloba.

1 Tesalonika 1:5

Ubutumi Bwawama ubo twaletele kuli mwebo, tabwalipo amashiwi bwaka iyowo, kuntu twalisambishe nefiso fyonse mukutangililwa no Mupashi Wabuta ukwambula ukukayika mumitima yesu. Mulishibile ubumi ubo twalinabo ulo twali namwe. Fyonse mfi fyali ifyakumwafwilishako mwebo.

2 Tesalonika 2:10

Elo akubomfya inshila ishibipile mukuchenjeleka bo abakwisa kufwa. Bakwisa kufwa pantu tabapokelelepo nokukonka ichine ichali nokubapulusha.

Hebele 12:2

Amenso yesu abwenekeshe pali Yesu uyo uwatatikile ichichetekelo chesu, nakambi euchisunga. Pamulandu wakusekelela ukwali kumulindila, ngu aliipele ukusamikwa pamutashi. Takwetepo nensoni pamfwa yamfi. Nomba akoyikala kukuboko ukwamulyo ukwamupando wabufumu bwaku Lesa.

Hebele 4:12

Pakuti amashiwi aku Lesa abumi nakambi afiso. Alitwa ukuchila umwele uwatwa konse-konse. Alaputula pakati kabumi nomupashi, amafupa nobutomfyo bwamumafupa. Elo alapingula amalangulushi namapange aamuntu.