Yudas 1:23 - Taaz Weru Witu u Nunuwu'en Tombulu

²³ wo tulungela ni séra tanu ing kuméhongé ni séra im witu un api. Taan im wia sé walina én ipapailekla u raraatéan karia i mile-ilek én taa ikakiit i mahwangun a léwo'an tanu ni séra wo ikazi'zisla maan ang karai néra ang kinilamu'mo a lelo néra wana a singkéla'.

Yudas 1:23 ပူးပေါင်းရင်းမြစ်များ

Roma 11:14

Ni aku é mahéré'la sa am pahpaayangengku kenu én toro mangun sé kawanuaku in tuméutéu sé tahsasana wanua walina in ipilot witu un ukuman wana a singkéla', wo karia in téntu sé woopira im wia ni séra én toro sawangangku in ipiloté witu un ukuman wana a singkéla'.

1 Korintus 15:33

Tia' kamu ikalulu: mahkari-karia wana an zéi'kan wangun é luméwo' ang kinanaram wangun.

1 Korintus 3:15

Taan sa um pinaayang ni tou é mala'ung, wéwéhan a nimaina'ma wia si tou itii. Ni sia é méikaondolé, taan ni sia én tanu si tou kimonta'mokané im witu un api.

2 Korintus 5:11

Kata'uan nai ung kalakoan u maindé' si Mahpiara. Niitumo, ni kai é mahtututu' makaz sé tou zéi'kampé' ma'éman é ma'éman wia si Mahpiara. Totoz kata'uan ni Opo Empung um witu un até nai, niitumo ni kai mengalé-ngaléi maan ni kamu é mata'u am witu un até nai mengiit ung genang lé'os niou.

2 Tesalonika 3:14

Sa wéwéhan tou soo kumiit a méipantik nai witu um pinantik kenu, na'uala si tou itii wo tia' mahkari-karia ni sia wo sia maizangla.

1 Timutius 4:16

Ime-imeken ung katou-touannu wo an tutuzu'mu. Tia' ko mazéi' i mahwangun niana péléng, pahpaan karia in téntu ni ko toro tumulung un toumu wo péléng sé tou mahtalinga an tutuzu'mu, im witu un ukuman ni Opo Empung.

2 Yohanes 1:11

Pahpaan séi si sumungkul ni sia, si tou itii é méikakiitola wana a léwo'an pahwangunenna.

Yudas 1:22

Ipapailekla u raraatéan wia sé tou mahzua-zua genangpé',

Wahyu 3:18

Niitumo, isésa-Kuma wia ni kamu in tumelesola u mas wia ni Aku um wineresimo karia un api, wo kamu uli-ulit mawa'ilan. Wo tumeleso kasiila ung karai kulo' ing karaien niou wo kamu zéi'kan pahileken kaizangnokané in timangkol. Wo tumelesla undam i mundam am weren niou, wo kamu toro milek.

Wahyu 3:4

Taan im wia ni kamu im wia u Sardis kenu ém wéwéhampé' sé woopira tou sé zéi'kan mahsingkéla'. Ni séra én tanu si tou kimarai ung karai weresi. Ni séra é malumampang mahwali karia-Ku kimarai ung karai kulo', pahpaan ni séra ém wangun i maténtu.