Yohanes 9:29 - Taaz Weru Witu u Nunuwu'en Tombulu

²⁹ Kata'uan nai si Opo Empung éng kimuamo wia si Musa. Taan tumoro si tou itii, zéi'kan kata'uan nai wisa Sia a méyé.”

Yohanes 9:29 ပူးပေါင်းရင်းမြစ်များ

Matius 12:24

Taan i sé sana réwok tou Farisi timalingala niitu, kuan néra, “Ni Sia mahwoho sé sétang karia ung kawasa ni Beelzebul, si tonaas né sétang.”

Matius 26:61

ang kumuama, “Si Tou kenu i makasa éng kimua i ni Sia én toro gumogar um Walé ni Opo Empung wo rumendai niitu sumaup witu un teluna endo.”

Lukas 23:2

Im witumo u sinaru ni Pilatus a séra mahtoké tumoro si Yesus, kuan néra, “Si Tou kenu é mahlululu sé tahsasana wanua nai. Pahséro'en-Na sé tou i mahwaér um pajak wia si Kaisar. Ni Sia kasii mahkua i ni Sia é si Kristus, si Kolano.”

Yohanes 1:17

Pahpaan un ukum Torat é méiwéhé mengiité si Musa, taan ung kamang tatambér wo ung kaulitan é méyé mengiité si Yesus Kristus.

Yohanes 7:27

Tumoro si Yesus éng kata'uantamo wisa Sia a méyé, taan i si Kristus méyé, zéi'kan siapa si tou mata'u wisa Sia a méyé.”

Yohanes 7:28

I si Yesus mahtuzu' witi lésaz um Walé ni Opo Empung, ni Sia mahkérét, “Niitu én ulit i ni Aku éng kata'uan niou wo kata'uan niou wisa ni Aku a méyé. Ni Aku im wia'i én zéi'kan pahpaan um paaz-Ku in esa, taan si Opo Empung si nimatumé ni aku. Ni Sia si nimatumé ni Aku én ulit wo ni kamu én zéi'kan mata'u ni Sia.

Yohanes 8:14

Kuan ni Yesus wia ni séra, “Zozo' ni Aku mahkua tumoro un tou-Kukan, um pahkua-Ku én ulit, pahpaan kata'uang-Ku, wisa ni Aku a méyé wo wisa un angéang-Ku. Taan ni kamu én zéi'kan mata'u, wisa ni Aku a méyé wo wisa un angéang-Ku.

Yohanes 9:16

Ang kuan né woopira im wia sé sana réwok tou Farisi itii, “Si tou nimangun niitu én zéi'kan wia si Opo Empung a méyé, pahpaan ni Sia én zéi'kan mahtali-talinga an tinotoz tumoro un endo Sabat.” Taan sé walina mahkua, “Sa Sia tou mahsingkéla', kura kahuman Sia toro mangun u makakompo'en tanu niitu?” A séra rengan i mahéndo-éndoan.

Yohanes 9:24

An tawahen néramé sumaup si letok woan itii a mahkua wia ni sia, “Ikuamé an ulit witu u sinaru ni Opo Empung, kata'uan nai si tou itii én tou mahsingkéla'.”

Yohanes 9:30

Si tou itii nimingkotla, “Ni kamu én totoz makalingangan! Ni kamu é mahkua i ni Sia én zéi'kan kata'uan niou wisa a méyé, taan ni Sia é limé'osoma um werenku.

Kisah Rasul-rasul 22:22

Sé tou lakez itii én tumalinga an ipahkua ni Paulus makaz witu un taré ikuanama itii. A séra rengan i mahkérét, “Wunu'enola si tou kenu! Ni sia én zéi'kan wangun i menou-nou!”

Kisah Rasul-rasul 26:22

Taan pahpaan in tinulung ni Opo Empung, ni aku é menou-noupé' makaz in tarékan wo mahkua wia sé tou a niilekku wo an tinalingaku, ni séra in tou pahsigi-sigi'en kaapa tou kanaramen. Péléng a méipahwoka'ku itii é masuat wo a mémoipahwoka'mé ni Musa wo né nabi im puuna.

Kisah Rasul-rasul 7:35

Si Musa si im puuna méikasoo nérala karia ing kimua, ‘Séi si timuzu' ni ko i maéndo tonaas wo menonotoz um pahkoro'an nai?’ Taan ni siamo si méiatu ni Opo Empung i maéndo tonaas wo milot sé tou Israel. Ni sia méiatu ni Opo Empung mengiité si malaekat, i ni sia nimapailek wia si Musa witu un unez un api u nimondolé witu un zukut menulah.

Ibrani 1:1

Im puuna si Opo Empung é makalakezo kimua wo pahsasawelnokala um pakahnuwu'-Na wia sé nimaopota mengiité sé nabi-Na.

Ibrani 1:2

Taan in tarékan, im wana an endo kaakazan ung kaayahan kenu, ni Sia é nimuwu' wia ni kita mengiité si Oki'-Na, si tinotozo i maéndo makaanu péléng am péléng. Mengiité si Oki'-Na, si Opo Empung nimangun péléng am péléng.