Yohanes 7:7 - Taaz Weru Witu u Nunuwu'en Tombulu

⁷ Sé tou wia ung kaayahan én zéi'kan mamuali i mazi'zis ni kamu, taan ni Aku én ikazi'zis néra pahpaan ni Aku sekezé mahkua am pahwangunen néra é léwo'an.

Yohanes 7:7 ပူးပေါင်းရင်းမြစ်များ

Lukas 6:26

Ikaléwo'la ni kamu sa péléng sé tou é mahlooz ni kamu, pahpaan téntu kangkasii am pinahwanguné né nimaopo néra wia sé nabi towo im puuna.”

Yohanes 17:14

Ni Aku éng kimuamoma u nuwu' ni Ama' wia sé pahtuzu'eng-Ku, niitumo sé tou wia ung kaayahan kenu é mazi'zis ni séra pahpaan ni séra én zéi'kan masuat karia né tou wia ung kaayahan kenu sé zéi'kan ma'éman. Ni Aku kangkasii én zéi'kan masuat karia né tou wia ung kaayahan kenu.

Yohanes 3:19

Si tou zéi'kan ma'éman itii é niukum pahpaan ung kenu: U Sena' é niméyémo wia ung kaayahan, taan ung karimbengbengampé' ung kapaaz né tou, pahpaan um pahwangunen néra é léwo'.

Roma 8:7

Si tou mahgenang um paaz un awakna in esa é makahkoro wo si Opo Empung. Pahpaan si tou itii én zéi'kan mahtali-talinga an tinotoz-Na wo ni sia én zéi'kan mamuali i mahtali-talinga an tinotoz-Na.

Galatia 4:16

Apa pahpaan kimuama an ulit wia ni kamu, ni aku nimaéndomola kakoro' niou?

Yakobus 4:4

É kamu sé nimaliuz a méitaaz! Zéi'kan kata'uan niou wé sa kamu mahkaloan karia ung kaayahan, ni kamu é makahkoro' wo si Opo Empung? Niitumo, séi si mahkaloan karia ung kaayahan kenu, ni sia nimangun un touna maéndo kakoro' ni Opo Empung.

1 Yohanes 4:5

Ni séra ém wia ung kaayahan a méyé, niitumo ni séra é menuwu-nuwu' tumoro am wia ung kaayahan wo sé tou wia ung kaayahan é mahtalinga ni séra.